1. Akisussaassusilimmik aalisarneq Immami isumalluutit akisussaassusilimmik iluaqutigineqarnissaat Royal Greenlandip sulissutigaa Pisassiissutit inatsisillu Isumaqarpugut akisussaassusilimmik aalisarneq tassaasoq nunagisami nunallu tamat akornanni inatsisit tunngavigalugit piumasaqaatit killilersiunerillu eqqortillugut aalisarneq. Uumasunik ilisimatuut inassutigisaat malillugit TAC-inik (aalisagartassat), ajornanngippalu ukiuni arlalinni atuussussanik, annertussiusiliisoqartarnissaa inassutigaarput. Unioqqutitsilluni aalisagartanik pisisanngilagut. Aalisakkanik qalerualinnillu nunanit, nunani taakkunani pisortat piumasaqaataat malilluinnarlugit nakkutilliiffiullutillu nalunaarsuiffiusartuniit, pisisarpugut. Nunanit pisortat piumasaqaataat malillugit nakkutilliiffiunngissorinartuniit pisissatilluta, isumannaallisaanerunissaq anguniarlugu, ilaatigut arlaannulluunniit pituttorsimanngitsunik nakkutilliisoqarnissaa piumasarisarparput. Royal Greenlandip aalisarnerani inatsisit tunngavigalugit pisassiissutit pisallu nalunaarutigineqarnissaannik piumasaqaatit malinneqartarput. Avataaniit piumasaqaatit naammassisinnaajumallugit pisortat, kattufiit pisisartullu suleqatigisarpagut. Piniarnermi atortut Piniarnermi atortut akuerisaasut, pitsaanerpaamik mianersuussinartuunissaat saniatigullu allanik pisaqartoortarnerup pitsaanerpaamik millisarneqarnissaa eqqarsaatigalugi teknikkut pitsanngorsaanermi suleqataajuarpugut. Saniatigut pisarisukkat tunisassiarineqartarnissaat pillugu suliniuteqarneq tapersersorparput. Aalisakkanik bomtawl-it steriste-llu atorlugit pisisanngilagut. Pisiffigisartakkagut piniutinik akuerisaasunik atortoqartarnissamik piumaffigisarpagut. Uumasut nungutaaqqajaasut saniatigut pisarisoornaveersaarneqarluinnartarnissaat tapersersorpaput. Suminngaanneernerisa paasinartuunissaat Uagut nammineq pisarisatta sumi pisarineqarsimanerisa, qanga pisarineqarsimanerisa umiarsuullu atiata paasineqarsinnaanissaat anguniartarparput. Aalisakkat qaleruallillu pisiarisatta sumi pisarineqarsimanerisa, qanga pisarineqarsimanerisa umiarsuullu atiata paasineqarsinnaannissaat anguniartarparput. Tunisassiagut paasissutissanik atuisartut kissaatigisaannik nalunaarsuffiginiartarpagut (sumi aalisarneqarsimanerannik, piffissami sumi pisarineqarsimanerannik). Nakkutilliineq Aalisarneq pillugu uppernarsaasiisinnaajumalluta nunatsinni pisiffigisartakkagut tigusollattaarinikkut misissuiffigisarpagut. Aalisarnermi MSC uppernarsarsinnaajumallugu avataani umiarsuarnilu misissuisarpugut. Unioqqutitsilluni aalisartoqarsinaanera pillugu aalisarnermik, saniatigut pisarisuukkanik pisallu amerlassusiinik nakkutiginnittoqartarnissaanik aaqqissuussinerit tapersersorpagut. Version 1. 20.04.2009 2
Download PDF file
Build your own flipbook