Juullimi pilluaqqussut 2008 Flemming Knudsen, CEO Foto: Royal Greenland Asasara suleqat Siulliullugu qaniginerpaasatillu Juullimik nuannersumik pilluarnartumillu ukiortaamillu ajunngitsunik kissaakkumavassi. Ukiumoortumik naatsorsuuteqarfik ajortoq anigorlugu, taamaaleqqammerattami, pitsaanngitsumik ingerlasimasut ingasattumik nakkuteqqajaanarsisarput. Tamanna tupinnanngilluinnarpoq. Tassami arlaqartutigut ukiupalaavissuusimavoq. Ukiup aallartinnerani pinngortitarsuup sakkortuumik pivaatigut. Nukissiuutit akii qaffariarujussuarput aamma taamatut ilillutik atortussat suli suliarineqanngitsut pitsanngorsaataallu pisiatta ilaat. Unammilleqatigiinneq sakkortusimmat illua’tungiliinissatsinnut atugassanik akinik pissarsinngitsoorpugut il.il. Peqatigitillugulu suliffeqarfiup ataatsimik siunnerfeqarnera sulisut ilaannut paasiuminaatsinneqarsimavoq. Taamaattoq ilikkagaqarfigaarput takusinnaavarpullu aallaartitarpassuatta ilaat arriikkaluamik sunniukkiartuaartut, naak aningaasatigut aningaasarsiornikkut ajalusoornerup kinguneranik ingerlatsiniarneq pitsaanngitsumik sunnerneqaraluartoq. Naleqqussartariaqarsimavuguttaaq sulianik annikilliliilluta. Annernaraluaqaaq ukiorpassuarni suleqatigilluarsimasat inuulluaqqusaallugit. Nassuerutigisariaqarparpulli niuernermi inissisimanitta attatiinnarnissaani tamanna eqqumaffigisariaqaratsigu. Maanna siunissamilu. Pitsaaqutaasoq tassavoq suliffik pitsaasumik iluatsinnerusumillu ingerlanissamik soqutigisaqartoq piviusunullu nutaanut naleqqussarsimasoq pilersikkiartorneqarmat, pisunit qaangiutereersunit ukiunut allanut atasunut ataniaannanngitsoq. Allatut oqarluni: aallariivippugut sulili apuunnata. Suna tamaat akigalugu alliartorniarunnaarpugut. Alliartornissamut isissutissaq tassaavoq suliatsinnik suliariumasatsinnilluunnit iluanaaruteqarneruneq. Tamatuma piumasaraa allanngornermut piareersimaneq. Ataatsimooqatigiiunerput paasigipput atorluarlugulu ileqqutoqqat pitsaanngitsut iperarsinnaallugit. Aningaasaliisassaagut mianersornerusumik aningaasaliissutillu iluanaarutaanissaat siunertaralugu. Aningaasartuutissat pisariaqanngitsut, aningaasanik pituttuisut ingerlatallu siunissatsinnut iluaqutaanngitsut ikilisassavagut. Allatut oqaatigalugu immitsinnut aperissaagut uagut aningaasaatigisuugutsigit tassunga atussagaluarnerlutigit iliuutsigullu pitsaanerutilaarsinnaanerlutigit. Nuannaarutissatinnilli aamma peqarpoq. Polenimi aallartisarpugut – nukingilaarluta piffissarli eqqorlugu, suleqatitaavullu assut sulipput pitsaanerulersitserusullutik. Kalaallit Nunaanni ilinniartitsineq aallarteqqipparput immikkut piginnaanilinnut sulillunilu ilinniarnermik tapetalerlugu – kalaallinut pisortassatut piukkussanut ikorfartuisussat. Nioqqusiat nutaat pilersippavut nunat tamat naalagaaffiillu nersornaasertagaat (Seafood Prix d’Elite, Seafood Circle Price aamma Børsenimit inuussutissat akissarsiaannik). Branding Greenland aqqutigalugu tusagassiorfiit Kalaallit Nunaannut qangarninngarnit soqutiginninnerulersippavut, Kalaallillu Nunaanni nioqqutissiat tuniniarnerulernerisigut taakku ersarinnerulersillugit. Pitsaasut ataatsimut katinnerat (amerlanernik taasaqarsinnaagaluarlunga), siunissamut neriulersitsinerat nalliuttorsuit nalliussiniarlugit angerlarutta eqqaamassavagut. Nioqqusiatsinnik suliffeqarfitsinnillu usorsisimaarutiginnittuarnissatsinnut peqqutissaqarpugut. Eqqaamajullu! Siunniussarput sapinngilarput. Nalliuttorsuarsiorluarnissassinnik kissaateqqippassi. Ukiumut aggersumut suliffitsinni ataatsimoorluta suleqatigeeqqinnissarput qilanaaraara. Naqitaq ”Navigatio” Royal Greenland A/S-imit saqqummersinneqartarpoq • Pisartagarerusukkukku allassaatit uunga royalgreenland@royalgreenland.com Akisussaalluni aaqqissuisoq: Sofia Geisler • Aaqqissuisut: Sofia Geisler, Louise Lee Leth • Kalaallisuungortitsisoq: Karl Elias Olsen Ilusilersuisoq: Naqitat A/S, Dorte Olsen • Naqinnera: Naqitat A/S Royal Greenland A/S • Postboks 1073 • 3900 Nuuk • Tel. (+299) 36 13 00 • Fax (+299) 32 33 49 • royalgreenland@royalgreenland.com •www.royalgreenland.com Nuummi orpiliaq illoqarfittut ikinngumminit Lyngby-Taarbækimit Danmarkimiittumit tunissutisiaraa. Nunami orpeqangitsumi orpiit majuaqattaarfissaqqittarput tappikanngaaniit silarsuup isikkua takujumallugu. Nuummilu nukappiaraq taamaaliorpoq. SSC Økonomimi pisortap Lars Wittendorffip assilisaraa.
Download PDF fil
Byg din egen flipbook