Pitsaassutsimik nakkutilliineq Kalaallit Nunaanni pitsaassusileriffik ukiumi qaangiutilersumi suliassaqarsimaqaaq Sofia Geisler soge@royalgreenland.com Tappiorannartulerineq ajunngikkaangat nioqqutissianillu immikkoortitaarinerit kilisaatinit tamanit Nunatsinnilu suliffissuarnit 21-nit malinneqaraangata pisisartut pisiareriaannanngortarpaat. Suliffissuit tamarmik aalisakkat/raajat/ saattuat/suaat immikkut pitsaassusii aalisakkap pisiarineraniit Royal Greenlandimut tunineranut pisisartumullu anngunneranut nakkutigisarpaat. Nuumiipput Kalaallit Nunaanni pitsaassutsimik nakkutilliisut; inatsisinik pisisartunut nalunaarsukkanik kiisalu Royal Greenlandip nioqqutissiaminut malittarisassarititaanik malinnitoqarneranik qulakkeerinnittussat. Suleqatigiit tassapput pitsaassusilersuinermi pisortaq Dorthe Korsgaard, 2003-miilli atorfeqalersoq. Kingoraartaaluni pisortanngorpoq apriilimi pisortavinngorlunilu 2008-mi juulimiit. Lars Hansen aamma Kasper Cordt Olsen ukioq manna atorfinipput, Marianne Heilmannilu kilisaatinik nakkutilliisutut atorfinilluni novembarip aallaqqaataanit. Suliaq siumukartitaq Pitsaassusilersuinermi pisortaq Dorthe Korsgaard: - Unamminarnerpaajuvoq nutaanik suleqatitaarneq qulakkeerlugulu pisariaqartumik ilinniartinneqarnissaat. Tunngaviat inissingajalerpoq. Siunissami suliassat sammisinnaanngorpavut, siumut isigisunik pilersaarusiorluni koncernip pitsaassusermik ingerlataanik qulakkeerinnilluni, siumukarnissartaaq qulakkeerlugu. Taamaattumik immikkoortortaqarfimmi piffissap ilaani ukiumi qaangiutilersumi sivikitsumik nipaaffeqartarpoq. Suleqatitaanik aallartisaaneq, pitsaassusilerinermik nalinginnaasumik erseqqissaaneq, BRC Standardimi version 5-imut allagartartaartitsineq kiisali HACCPmik pikkorissaaneq naammassineqarput. Pitsaassusilersuinermi pisortap naammaginnisimaarnera misigisimassallugu kukkuneruallaarunanngilaq. Dorthe Korsgaard: - Fabrikkinik ataasiakkaanik suleqatiginninneq ajunngilluarpoq, pitsaanngitsoqaraangat nalunaalertortarput, pisariaqartoqartillugu qanorlu iliornissamik tusarusuttoqartarpoq. Taamatut suleqatigiinneq naammaginartuuvoq. Aamma tuniniaasartullu attaveqarfigeqatigiilluarpugut, pingaaruteqarpormi avataaneersunit tusartarnissaq qanoq iliuuseqarfigisarianut tunngavissanik. Misissuivik pingarneq Misissuiviup pingarnerup, Hovedlaboratoriap, qanga qitiusumik allaffeqarfimmit GFI-toqqamut nuunneqarnissaa ippinnaateqanngitsumik pivoq. Tassani sulisut Nauja Heiselberg pisortaat. Misissuiviup misiligutit fabrikkineerlutillu kilisaatineersut misissoqqissaartarpai, inernerilu SAP-mut immiuttarlugit. Nuummiittoq hovedlaboratoria EUROFINS-imit akuerisaavoq, tamannalu isumaqarpoq misissuivimmit paasisat pisortanut pisisartunullu atorsinnaasut. Hovedlaboratoria ukiumut ataasiarluni EUROFINS-imit misissuiffigineqartarpoq, taamaalillunilu anguneqartut qulakkeertarpaat atorsinnaassuseqarluni akuersaaneq. Illumut allamut nuunneq EUROFINS-ip ukiumoortumik mississuinerani ippinnartussarsivigineqanngilaq. Pitsaassusilersuinermi pisortaq Dorthe Korsgaard qungujulluni oqarpoq: - Allaalluunniimmi Intern auditeqartillugu nikingasoorutinik takusassaqarneq ajorpoq, ila sulisut pikkoreqaat; kukkunermik ataasiinnannguamilluunniit soqarneq ajorpoq. Ass.: Lieff Josefsen Ass.: Lieff Josefsen Ass.: Lieff Josefsen Dorthe Korsgaard (37) Pitsaassusilersuinermi pisortaq Akisussaaffigai: - Nunatsinni fabrikkini kilisaatinilu pitsaassutsit aqunnerat - fabrikkit kilisaatillu inatsisit, pisisartut RG-llu piumasaannik naammassinninnissaat - RG-mut tunisisartut pitsaassutsinik piumasaqaatinik erseqqissaatinillu apuussiffigisarlugit - fabrikkineersunik pisisartut pitsaassusersiornerat peqataaffigalugu pilersaarusiorlugulu. Kasper Cordt Olsen (29) Pitsaassussilersuinermik ataqatigiissaarisoq Ilaatigut isumagisarai: - sulliviit 19-it imminnut nakkutiginerat nutarterlugu suliaralugulu - sullivimmi pitsaassusilersuinerit nakkutiginerat - pisisartunik nalunaarsuineq - pisisartut saaffiginnittut peqataaffigalugit akisarlugillu - fabrikkini imminut nakkutiginermik ilinniartitsineq. Lars Hansen (37) Pitsaassussilersuinermik ataqatigiissaarisoq Ilaatigut isumagisarai: - kilisaatini nunamilu fabrikkini pitsaassutsimik aqutsineq - kisitsinik paasissutissanik assiginngitsunik suliarinninneq - imminut nakkutigineq aserfallatsaaliinerlu - pitsaassutsimik qulakkeerineq. Marianne Heilmann (43) kilisaatinik nakkutilliisoq Ilaatigut isumagisarai: - Kilisaatinik nakkutilliinerit - nakkutilliinerit nalunaarusiornerat - kilisaatini pitsaasutsinik qulakkeerineq - kilisaatini imminut nakkutiginerit nutarterinerat suliarinerallu. NAVIGATIO NR. 22 2008 3 Ass.: Lieff Josefsen
Download PDF fil
Byg din egen flipbook