CSR: People, Planet and Profit – Inuit, Nunarsuaq aamma Iluanaaruteqarneq Naalisagaq CSR ima paasisariaqarpoq; Corporate Social Responsibility. Taamaallunga siunnersorti - CSR pillugu ilisimasaqarluartoq - aperaara, naatsunnguamik ajornanngippat oqaaseqatigiimmik ataatsimik atuilluni CSR sunarpiaanersoq nassuiarsinnaaneraa. Pineqartorli arlalinnik tunngaveqarmat naatsunnguamik nassuiarsinnaanngilluinnarnerarpaa. CSR imatut paasisarpara; suliffeqarfittut makkua akisussaaffigiuaannarivut: - suliffeqarfiup siunissaa qularnaarniarlugu iluanaaruteqarnissaq, - inuiaqatigiit iluanni sulinitsinni isumatusaartumik akisussaassuseqartumillu ingerlatsinissaq - taamatuttaaq suliffeqarfimmik ingerlatsinitta pinngortitamut kinguneqapilunnginnissaa siunertaralugu sulinissaq. Tuluttut ima oqaatigineqartarpoq; People, Planet and Profit (P-iit pingasut - oqaatsit pingasuusut P-mik aallartipput) – isumaqarpungalu CSR-imut atatillugu nassuiaat taanna naatsunnguaq paasiuminarnerpaajusoq. Akisussaaffit pingasut qulaani taaneqartut ataqatigiilluinnartuupput, tamannalu CSR-imi pingaartinneqarluartuuvoq. P-iit pingasut pineqartut ataavartumik isumaginiarneqartassapput. Suliffeqarfik arlaannaalluunniit P-iini pingasuusuni ataasiinnaq tunngavigalugu ingerlatsiguni piffissap ingerlanerani P-iinut sinneruttunut marluusunut sunniuteqarnerlussaaq. Assersuutigalugu piujuartitsilluni maanna aali- Mikael Thinghuus, pisortaaneq. sarnerminngarnit aalisapilulluni aalisarneq tapersersoraluarutsigu immaqami piffissap sivikitsup ingerlanerani iluanaaruteqarnerussaagut – kisianni soorunami siunissaq ungasinnerusoq eqqarsaatigalugu iluanaaruteqannginnerunitsinnik kinguneqassalluni. Akerlianillu: Inuiaqatigiit sullitatta piumasaat pisinnissaat kisiisa tunngavigalugit sulinerput ingerlakkutsigu – soorlu nunarsuarmi niuernermi akit najoqqutarinagit tunisinermi akit qaffasinnerusut atuutsikkaluarutsigit – qularnanngitsumik piffissap sivikitsup iluani nuannarineqarnerput annertusissagaluarpoq. Taamaattorli Royal Greenlandi piffissap sivikitsup ingerlanerinnaani aningaasarpassuarnik annaasaqapallassaaq, ukiullu pingasut matuma siornatigutuulli piginnittutsinnut naakkisaaqqilissagaluarluni. Tassa CSR-ip pingaartippaa, oqimaaqatigiittumik aningaasanik aqutsinissaq, inuiaqatigiinnut attaveqarluarnissaq avatangiisillu eqqarsaatigalugit piujuartitsilluni aalisarnissaq. People, Planet and Profit – Inuit, Nunarsuaq aamma Iluanaaruteqarneq. Navigatiomi maanna atuakkanni CSR-ip sulinermini tunngavippassui assigiinngeqisut erseqqissorujussuarmik nassuiarneqarput. CSR-ip sulinermini tunngavigisartagai suliffeqarfimmi aamma tunngavigineqartarput – aalisakkerinermiit atuisunik sullissinermut – taamaattumimmiuna ilanngutassiat uani Navigatiomi saqqummiunneqartut suliffeqarfimmi tamaneersunit sulisunit allatarineqartut. Suliffeqarfik CSR-ip tunngaviinik najoqqutaqarluni suliaqartoq isumaqarpunga immikkut ittumik niuernermik nakuussuteqarnini atorlugu 2 NAVIGATIO NR. 38 2013
Download PDF file
Build your own flipbook