Aquttunikfiskeriteknologinillu amigaateqarneq Kalaallit Nunaanni nuna tamakkerlugu umiarsuarni aqumiut assigiinngitsut ukiui qaffakkaluttuinnarput. Royal Greenlandip inuttalerinermi ingerlatsisuata ajornartorsiut eqqumaffigalugu Sulisitsisut qitiusumik ilinniartitaanermut ataatsimiititaliaanut saqqummiussimavaa eqqartuiffigiumallugu. Tamanna umiarsuaateqarfiit tamarmik suleqatigiilernerannik kinguneqarpoq, inuusuttut imarsiornermik ilinniagaqalernissaannik iliuusissiortoqarmat. - Kalaallit Nunaanni sulisitsisut umiarsuaateqarfiillu allat suleqatigalugit inuusuttunut saaffiginnittumik iliuusissanik maanna pilersaarusiorsimalerpugut, taakku imarsiornermik ilinniagaqalernissaminnik aallartitsisaleqqullugit. Inuusuttunik umiarsuarni assigiinngitsutigut aqumiunik aqutsisuusinnaasunik/ingerlatsisuusinnaasunik inuttassarsiorneq ullumikkut ajornarsigaluttuinnarpoq. Imarsiornermik ilinniarfik matoqqasimavoq, aammalu matunnginnermini ingerlalluarpallaarsimanani. Maanna ukiut 15-it sumik pisoqangaarfiunatik ingerlasimapput, Christian Laursen, Royal Greenlandip inuttalerinermi ingerlatsisua oqarpoq. Aqumiut soraarninngortiterput - Umiarsuarni assigiinngitsutigut suliallit aqumiut 1980-ikunni ilinniarnerminnik naammassisut, umiarsuarnilu sulisut maanna utoqqalilerput soraarninngortiterlutillu. Imarsiornermik ilinniarfik 1980-ikkunni 1990-ikkunnilu ingerlalluartoq Nuummiippoq. Kisianni kingorna Paamiunut nuunneqarpoq, tassalu pissutsit ajorsigaluttuinnarsimapput 2004-2005-imi matunissaata tungaanut. Umiarsuarnik aquttunngorniat ukiumiit ukiumut ikiliartuinnavissimapput, tamannalu aarlerinarpoq. - Maanna kiisami Imarsiornermik Ilinniarfik Nuummi ammaqqissimavoq, qujanartumillu ilinniarfimmi ilinniakkanut qinnuteqartut amerlaqaat, taamaammat siunissamut neriuuteqarluarpugut. Kisianni eqqaamasariaqartoq tassaavoq assersuutigalugu kilisaataatitsinni aqutsisutut/ingerlatsisutut aqumiusut sulilernissaannut piffissaq sivisungaatsiartoq aatsaat ingerlareerpat piviusunngorsinnaammat. - Inuusuttut atuartitsissutini oqaatsit aamma matematik pitsaasumik angusaqarfigisimagunikkit Imarsiornermik Ilinniarfimmi ilinnialersinnaapput, taamaammat inuusuttut GU-mi soraarummeersimasut ilinniartuutigilernissaat iliuusissatsinni naatsorsuutigaarput. Taamaalilluta ilinniartut ilinniakkaminnik naammassinnissinnaanerat qulakkeersinnaavarput. Imar siornermik ilinniarfimmi ilinnialersinnaanermik akuerineqartinnatik qaammatini 18-ini umiartorsimasussaapput. Royal Greenlandip umiarsuaateqarfiillu arlallit umiarsuarni inuusuttut taakku inissaqartinnissaat maanna qulakkeersimalerpaat, taamaalillutik qinnuteqartut umiartornikuunngisaannaraluartulluunniit ammaaffigalugit.Tassaluumiarsuitinuusuttunik 20-30-nik tikilluaqqusinissaminnik maanna piareeqqapput. - Siusinnerusukkut inuit eqqarsartarsimapput ajunngilaq kilisaammut ikigunik taava suliassaasuni qaffakkiartuaarumaarlutik, kisiannili piviusut taamaanngillat. Sivisuumik piginnaanngorsartoqartarpoq. Taamaattorli iluatsissinnaallugu upperigatsigu ilinniartitsinissamullu periarfissaqarluarluta – inuusuttut ujartukkagut ilinniagaqartissinnaavagut. Erseqqissartariaqarporli piumasaqaataammat ilinniartussatta imarsiornermik soqutiginnit- tuusariaqarnerat, takutitsisinnaassallutillu imarsiorlutik siunissami sulerusullutik. Ilinniartut piukkunnaateqarluinnartut ilinnialernissaat pingaaruteqarluinnarpoq, umiartortoorusussusermik piumassusertik ingerlatiinnassappassuk, Christian Laursen oqarpoq. Qanoq ilillusi ilinniartussarsiorniarpisi? - Ilinniarfiusinnaasutsineriammiangalaarlutik nittarsaallutik ilinniartussarsiorneranni peqataassamaarpugut, tassungalu inuttalerinermi suleqaterput Mika Heilmann angalaaqataassaaq, GU-mi ilinniartut pilerisaarlugit attavigisassallugit. Aammattaaq pilerisaarilluta GU-mi ilinniarfiitorniguffigissamaarpaguttaakkuilinniarfissat pillugit sammisassaqartitsilerpata. Inuusuttut nammineq aqumiuutigut kalaallit GU-mi ilinniartunut pilerisaarinitsinni peqataatinniarpagut saqqummiisillugit, oqaluttuartillugillu taamatut sulilluni qanoq ituunersoq. - Iliuusissatsinni pingaaruteqarluinnartut ila gaat fiskeriteknologinik ilinniartoqalersitsinissaq. Ajornartorsiutaasorli tassaavoq fiskeriteknologinngorniat ilinniarfiata siunissaa maanna nalorninartorsiorfiummat, tassa ilinniarfimmutqinnuteqartartutikippallaartarsimammata. Ilinniarfiup ittua oqaluttuarpoq ilimanarsinnaasoq Holstebromi inissillugu ammaqqikkumaartoq. Aamma imaassinnaavoq matuneqavissortoq, uagutsinnullu pitsaavallaassanngilaq. Tassami maanngaanniit qinnuteqartoqangaatsiarnissaa naatsorsuutigigatsigu, takujumaarparput. - Ukioq manna fiskeriteknologinngornianik aallartittoqassanngilaq, aappaagumullu piareersimasariaqarpugut inuusuttunik qinnuteqartitsiniarluta. Paasivarput fiskeriteknologinngorniartarneq soqutigineqarpiartar- 4 NAVIGATIO NR. 2 2014
Download PDF file
Build your own flipbook