New Product Developmentimut periarfissat nutaat Jesper Dahl, nioqqutissianik ineriartortitsisartoq Glyngøre mi nerpileriffiusimasumi inini maanna nutarterneqareer simalersuni. Isumassarsiat nutaat ineriartortinneqartarput nioqqutissiat misilerarneqarlutik RGp sinneranut ingerlateqqinneqannginneranni. All. Jan Sonjoiki, ineriartortitsinermut pisortaq - Init amerlanersaat inissipput, igaffik atortorissaartoq ingerlalereerpoq, oqaatigisinnaavarpullu neriunaateqarluarmat. Niuerfiit Royal Greenlandip tuniniaaffigisai allanngorartuupput assigiinngitsorujussuullutillu. Taamaammat pisariaqarpoq Royal Greenlandip niuerfinni susoqarneranik malinnaalluarnissaa aammalu nioqqutissiat nutaat, aaqqissuussinerit nioqqutissiaareersullu eqqarsaatigalugit naleqqussarsinnaasariaqarnera. Nioqqutissiassanik ineriartortitsinermi atugassagut taakkuupput aqqutissiuussisussat ineriartortitsinermut sukkasuumut aammalu niuerfiit Royal Greenlandillu tuni- niaaviisa kissaataannut sukkasuumik qisuariarsinnaanermut. Nerpileriffimmiit ineriartortsinermut Ineriartortitsinermut qitiulersoq Glyngøremi nerpileriffiusimasumiippoq. Illorsuaq iseraanni susoqalaaginnaavissoq maluginiagassaavoq ilummullu appakaakkaanni nioqqutissianik ineriartortitsisartut pingasut ulapaartut naapitassaapput. Saqqummiussat pitsaanerit toqqarneqartarput, isumassarsiallu igaffissuarmilu nutaaliaalluinnartunik atortulimmi misilerarneqartarput suliffeqarfissuup sinneranut ingerlateqqinneqannginneranni. Igaffik pineqartoq tassaassaaq nioqqutissia- nik ineriartortitanik nersornaasigaasunillu suliaqarnermi qitiusoq, suliffeqarfissuup tuniniaasuinut produktchefinullu naapinnissaannut periarfissalik, kiisalu pisisartunik niueqatinillu qaaqqusinissamut periarfissarissaartoq. Jan Sonjoiki: - Pisisartut arlallit, soorlu Tuluit Nunaanniit Brake Brothers pulaartigereerpagut. Igaffimmi „silaannaq“ pitsaasuuvoq, ullorsiutillu isumaqatigiissutinik nalunaaqutserneqarlutik ulikkaaqqasut takutippaat suliassaaleqinngitsugut. Kilisaat m/tr “Sisimiut” Sisimiuni (Naqitap saqqaa) Kilisaammik Sisimiut-nik tamakkiisumik piginnittuuvoq Royal Greenland. Kilisaat fabrikkertalik 1992-mi Norgemi sanaajuvoq, 66meterisut takitigaluni, 14meterisut silitsigalugu maskineqarlunilu 3.000 kw. Aalisarnissamut nioqqutissiornissamullu pilersaarutit apeqqutaallutik inuttat 24-34-t akornanniittarput. Ukiup qaammataani siullerni sisamani Barentip imartaani aalisartarpoq Norgemut Ruslandimullu isumaqatigiissutit naapertorlugit. Pisassat taakku tassaapput saarulliit, kullerit sej-illu. Ukiup sinnerani nunatta imartaani aalisartarpoq, tamaani qaleralinniarneq ingerlanneqarnerusarluni. Royal Greenlandip kilisaataatai tamarmik sikusiorsinnaasutut akuerisaapput, tassalu issittup imartaani sikusiorsinnaatitaallutik. Navigatio Royal Greenland A/S-imit saqqummersinneqartarpoq. Pisartagaqarneq akeqanngilaq uunga noqqaassutigineqarsinnaalluni royalgreenland@royalgreenland.com. Akisussaalluni aaqqissuisoq: Sofia Geisler • Ilusilersuisoq: Naqitat A/S, Else Marie Jerimiassen • Naqinneqarpoq: Naqitat A/S. Allamik allassimasoqanngippat allattuuvoq Sofia Geisler, soge@royalgreenland.com. Royal Greenland A/S • Postboks 1073 • 3900 Nuuk • Tel. (+299) 36 13 00 • Fax (+299) 32 33 49 • royalgreenland@royalgreenland.com • www.royalgreenland.com.
Download PDF file
Build your own flipbook