Leder Flemming Knudsen, CEO Royal Greenland-ip Nunatsinni siunissami suliffissat aningaasaliiffigai Kilisaani nutarsaaneq, Uummannami tunisassiornermut atortut pitsaanngorsarneqarnerat, Ilulissani raaja-fabrikkip nutarsarneqarnera, poortuinermut atortut nutaat, Nuummi nunatsiniinnaq tunisassiornerup annertusinera aamma Qasigiannguani ineriigaanerusunik tunisassiorfiup sanaartorneqarnera. Tamarmik takussutissaapput suliffeqarfitta, ataasiaannarani oqaluuserineqarnerluttarnerup illuatungaanik, periarfissat tamaasa atorlugit, Kalaallit nunaanni suliat pigiinnarnissaanik allineqarnissaalluunniit siunertaralugu. Aallaaviuvoq kalaallit tunisassiaasa pisisartunut tunineqarnissaat, taamatullu qulakkeerlugu akimik unamminartumik akeqarlutik tunineqarsinnaanissaat. Taamaattumik aningaasaliivugut marluinnik taaneqarsinnaasumut. Naleqarnerulersitsiniarluta ineriigaanerusunik tunisassiornissatsinnut aningaasaliivugut (qalerallit aamma pisuussutit nunatsinni atorluarnissaannut) aamma aningaasartuutikillisaanermut aningaasaliivugut. Ineriigaanerusunik tunisassiornikkut naleqarnerulersitsineq eqqartugarput, suliaq taanna suliffissanik nutaanik malitseqarpoq aamma malugalugu suliffissat ataavartut. Tamanna sulisumut pitsaassutsimik piumasaqarpoq aamma pikkorissartuarnissamik piumasaqaatitaqarpoq. Qasigiannguani suliaq ajunngitsumik takussutissaalluarpoq. Aningaasartuutikillisaanermut aningaasaliissutit taakkuupput ikummatissanik atuinermut aningaasartuutikillisaanerit aamma automatiseringi – atortorissaarutit namminneq sulinerannik imalik. Kingulleq taanna qularutissaanngitsumik sulisukinnerulernissamik imaqarpoq, paarlattuanilli suliffeqarfissuaq unammillerluarsinnaassusilik pigineqa- lissaaq. Ilulissani raajafabrikkip allanngortiternera matumani assersuutissaalluarpoq. Ilisimalluarparput nuannersuusanngitsoq suliffissat ikilineqaraangata, aamma sulisut inuulluaqqunissaat nuannersuuneq ajorpoq. Oqaluttuassartarli allaalluinnarpoq. Anguniagarput tassaavoq suliffissuaqarfiit, tassa taakku automatiserneqartut, taakku, piuinnarsinnissaat anguniarneqartarpoq matunissaaninngaanniit. Taamaattumillu qinigassaq tassaasarpoq suliffissat ikinnerusut aalajaatsulli pigiinnarneqarnissaasa anguneqarnissaat imaluunniit suliffissaqanngivinneq. Sulisunut suliuaannartunut aamma suliffimmut tunniusimasunut matusinissaminngaanniit suliffeqarnissaq. Taamaattumik usorsisimaarutigaarput oqarsinnaagatta Kalaallit aalisakkanik tunisassiorfiata siunissaanut aningaasaliigatta, isumaqaratta taamatut aningasaliineq kalaallit inuussutissarsiornerannut suli siunissaq isigalugu pingaaruteqarumaartoq. Wilhemshaven (saqqaata assitaa) Wilhelmshavenimi fabrikki 1991-imi tunngavilerneqarpoq (allat pigalugu) ´Jadekost´-imik ateqartinneqarluni, siullermillu aalisakkeriviullunilu- aamma neqit tunisassiarineqarnerannut atatillugu sulliviuvoq. Oqaluttuaq iluatsiffiusoq aatsaat aallartippoq 1996-imi Royal Greenlandip fabrikki pisiarimmagu. RG-p tunisassiarissallugit kakkaffiginerpaasai, tassa aalisakkat, sammineqarlermata tamanna uniunngilluaasarpoq. Siullermik 21.000 tonsit tunisassiareqqaarpavut 270-inik sulisoqarluta, taassumalu kingorna tunisassiarisatta annertussusiat marloriaatinngorpoq. Fabrikkip piginnaanera suli tamakkiisumik atunngilarput (100%-imik) taamaattumik suli periarfissaqarpoq allisitsinissamut. Aamma tunisassiornikkut ineriartortitsineq – 2006-imiit 35%-imik allisoq – angeqaaq. Wilhelmshavenimi fabrikkimiit suliffeqarfissuup RG-p kaaviiaartitaasa 21%-erivaat. Tunisassiornerput fabrikkini sanileriissuarni angisuuni marlunni ingerlanneqarpoq, tassaniillutik liniat tunisassianut ingerlaarfiit qulingiluat. Fabrikkip tamakkiisumik annertussusia 16.000 m² meteriuvoq. Navigatio Royal Greenland A/S-imit saqqummersinneqartarpoq. Pisartagaqarneq akeqanngilaq uunga noqqaassutigineqarsinnaalluni royalgreenland@royalgreenland.com. Akisussaalluni aaqqissuisoq: Siverth Amondsen • Ilusilersuisoq: Naqitat A/S, Tupaarnaq Jupin Haase • Naqinneqarpoq: Naqitat A/S. Allamik allasserinnittoqanngippat allattuuvoq Siverth Amondsen, siam@royalgreenland.com. Royal Greenland A/S • Postboks 1073 • 3900 Nuuk • Tel. (+299) 36 13 00 • Fax (+299) 32 33 49 • royalgreenland@royalgreenland.com • www.royalgreenland.com
Download PDF file
Build your own flipbook