IntraComip nunat killeqarfii akimorlugit Royal Greenlandimiut suleqatigiisilissavai Allattoq: Thomas Dahl Nordlund Kommunikationskonsulent thno@royalgreenland.com Intranettimut ilassutip nutaaq IntraCom-imik ateqartussappat katersussavai suliffeqarfissuaq tupimut akimorlugu paasissutissiisarnerit sumiiffimmut ataasinnarmut. Anguniagaavoq pitsaasumik paasissutissanik aviffigeqatigiissinnaalernissaq, suliffeqarfissuaq tukimut tamaat naapeqatigiiffigineqarsinnaasumik pilersitsinissaq kiisalu suliffeqarfiup iluani mailsikkut attaveqatigiittarnerit ikilisarneqarnissaat. Blog-funktion (allaaserisanik aviffigeqatigiiffik), video streaming aamma suliffeqarfiup avataaniit tusagassanut tamanut sulisut tamarmik assigiimmik isersinnaasunngornissaat, tassa taakkuupput teknologiit, suliffeqarfissuup iluani nutaamik qarasaasiakkut naapiffiusalersussat. Inuiaqatigiinni paasissutissanik peqarfioqisumi ilisimasanik avitsivigeqatigiissinnaaneq pitsaasoq tassaavoq sulisut suliffimmik iluarisimaarinninnerulernissaannut sulilluarsinnaanerulersinnaanissaannullu aqqut: Suliffeqarfiup iluani attaveqatigiittarneq amigaateqaleraangat, anguneqarajuttarpoq marloqiusamik sulilersoorneq ataatsimullu siunnerfimmut ataatsimut ingerlasoqarunnaarneranik misigisimalerneq. Taamaattumillu intern kommunikation siunissamut suliassaqarfitta pingaarnersaraat, taamaalilluta sulilluarsinnaanerput angujumallugu. IntraCom nutaaq taanna sakkussat ilagaat. Svenstrupimi attaveqatigiinnermut siunnersorti, Thomas Dahl Nordlund, isumassarsiamut aasaru atuutilersussamut isumassarsisuuvoq. IntraCom intranettet-mut taartaassanngilaq . Suliffeqarfissuut qullersai isumaqatigiittut aalajangersimapput, nutaamik millionilinnik akeqartussamut aningaasartuuteqartinnata eqqarsaqqaalaassasugut intranet nutaaq eqqarsaatigalugu. Paaseqqaartariaqarparput ullumi qanoq atugaatiginera atugaanngitsigineraluunniit. IntraCom atugaareersumut Intranettimut ilassutaannaassaaq, taassumallu tusagassiisarnerit mailboksimiit nuussavai IntraCommimut katersuuffinngussaarlu, suliffeqarfissuup iluani nunat sumiiffiit akimorlugit oqaluttuarineqarsinnaasunik avissaqatigiiffigiiffinngorluni. Soorlu qanga Danmarks Radio, danskit tusagassiisarfimmit ataasiinnarmit atassuserneqaraangata, taamaattumillu sutornerni oqaluuserisaq ataasiinnaasarpoq. Inuit imaattuni katersuuttarput. - IntraCom-imik atuisinnaaneq qarasaasiaqarnissamik piumasaqarpoq. Qanoq ilillutit qarasaasiaqanngitsut peqataatissavisigit? Ajornartorsiutaasoq inuit qarasaasiakkut paasissutissanik pisannginnerat atuutereerpoq. Attaveqarneq pillugu misissuinermi decembarimi pisumi paasinarsereerpoq, tunisassiornermik suliaqartut ikinnerpaat aallaqqaasiunneqartartut, RG Knowledge Exchange imalt. RG NEWS – pissutigerpiarlugu, pc atorneq ajoramikku. Fabrikkimilu sulisut aneriarfissaq pillugu oqaloqatigisalereerpakka, tamarmik IntraCom atorsinnaalerniassammassuk. Assersuutigalugu periarfissatsialaasinnaavoq kantinami isiginnaaruterujussuarmik ivertitsisoqarsinnaanera, taamalilluni sulisut tamarmik nerinerminni paasissutissiivinnut iseriaannanngorlugit – ajornanngitsoq, pisariitsoq aamma akikitsoq. - RG-mi oqaatsit taama amerlatigisut ajornartorsiutaassanngillat? Soorunami IntraCom-mip suliffeqarfissuup oqaasii tuluttoortut qiterineqassapput. Kalaallit Nunaanni attaveqatigiinnermik tunngasunik suliallit kalaallisuunngortittassavai. Suliannullu ilaavoq Googlemut attailersinnaanissaq, tassani erfalasoq tuuginnarlugu nammineq oqaaserisanut nuutsitsisinnaasumik – siullermik danskit oqaasiinut, tyskit polskillu. Nutsernerluta qungujulluni tigusariaqarput. Googles-imi nutserissutit ullormiit ullormut pitsanngoriartorput, kingorna nutsikkat pitsaanerulillarumaarput. Nunani aqqaneq marluusuni tuniniaavinni sunaluunniit iluarsineqarsinnaasarpoq, attaveqatigiinneq eqqartoraangatsigu. Toqqaqqammikkat ”Communication Ambassadors” Intracom-imi aamma atortorissaarutit periarfissaatigai pisoqarfinnit pisut isiginnaarneqarsinnaasunngortissinnaanerat, aqutsisunik apersuinerit imalt. assit massakkut pisut kilisaatineersut, tunisassiornermeersullu. Taakku pisut uummartittarpaat atuarsinnaangitsunullu attaveqalersinnaanerit. - Kikkut IntraCom immersussavaat? Attavissaqarpoq suliffeqarfimmut siammassimasunik. Taakku suliassaraat sumiiffigisami pisunik nutaarsiassanik katersisassallutik IntraCom-ilu aqqutigalugu tamanut siammaaneq. Qupperneq taanna Sitet ineriartortinneqarsimavoq sulisut allassinnaanngorlugit qarasaasialerisinnaanngikkaluinnlluunniit. Taassuma saniatigut IntraCom-ip piginnaanerisa ilagaat isignnaaneqarsinnaaneq - iphone pigineqaannartariaqarpoq immikkut mikrofonilimmik softwaremillu aaqqissuussutaasinnaasumik soorunamilu piffissaqarneq kajuminnissarlu. Kiap ilisimavaa atassuteqarneq oqimaatsoq oqileratarsinnaavoq assit atorlugit, soorlu sulisut aqutsisulluunniit apersorneqartarsinnaalutik. Taamaattoqarsinnaavoq. Royal Greenlands attaveqatigiinnermut siunnersortai marluk aamma „Attaveqatigiinnermut ambassadørit“ qulit (Communication Ambassadors) ataqatigiissaarisuussapput inuillu aallartisarfimmi nalunartuni ikiortassallugit. Qanoq iliornissamut ilaagassiamik sanasoqassaaq, nutaarsiassat piukkunnartut nammineq ilanngunneqarsinnaassapput, piumagaanni. Inuillu nammineq Thomas inniminnersinnaavaat pikkorissaaqqullugu, oqaluttuamik nuannersumik nassaarsinnaanermut oqaasertalersuisinnaanermullu – soorlu IntraCom-ip atornissaanut, nalinginnaasumilluunniit allannissamut. Attaveqatigiinnermut siunnersorti naapertorlugu sulisut aamma aqutsisut blog (ilanngussivigineqartartoq) atorlugu oqaaseqarsinnaapput, suna pineqartoq oqaaseqarfigineqarsinnaalluni, nersualaarisinnaalluni, uparuaalluni imalt. RG pillugu tusagassiuutini allaaserisat arlaat ugguuna oqaaseqarfigineqarsinnaapput. 4 NAVIGATIO NR. 31 2011
Download PDF file
Build your own flipbook