Káte Hansen kaha@royalgreenland.com Siuterorniarluni misileraanissaq aallartissinnaanngorpoq ilaani aalisarnikkut tunisassiornikkullu periarfissaluttuni tunisassiortoqarsinnaalissasoq. Siunissaq ungasinnerusoq eqqarsaatigalugu piujuartitsilluni aalisalernissaq anguniarneqassaaq, taamalu Paamiuni, Arsummi Narsamilu Royal Greenlandip tunisassiorfeqarfigeriigaani tunisassiorfikitsuni suliaqartitsilersinaassalluni. Tuluit Nunaanni, Irlandimi Frankrigimilu siuteqqunik qalerualinnik pullatit atorlugit ukiorpaalunni aalisartoqartareerpoq. Ukiuni kingulliunerusuni Kangiamiut siuteqqunik qalerualinnik soqutiginnilersimapput, tamatumalu kingunerisaanik Canadap imartaani siuterorniarneq annertuseriarsimavoq. Nunarsuaq tamakkerlugu qalerualinnik siuterorniarnermi ukiumut 35.000 tonsit pisarineqartarput. Misileraalluni aalisarnermi angusat Pinngortitaleriffik suleqatigalugu nalilersorneqassapput, paasissutissallu tassani aamma katersorneqassallutik. Misileraalluni aalisarneq iluatsissappat aalisarneq 2012-imi aallartinneqassaaq. Royal Greenlandi siuteqqunik qalerualinnik aalisarnermut naleqqussakkanik pullatinik 500-nik pisiniareerpoq. Misileraalluni aalisarnissami aalisarneq ilanngullugu aningaasaliissutissat 200.000 koruuninut tagginneqarput. Royal Greenlandi avannaanit Nuup eqqaaniit kujammut Narsaq tikillugu siuteqqunik qalerualinnik misileraalluni aalisarsinnaanissaminut 2011-mi oktobarimi akuerineqarpoq. Royal Greenland A/S inuussutissarsiutigalugu aalisartut tallimat arfinillilluunniit assagiarsunniarnermik misilittagallit suleqatigalugit siuteqqunik qalerualinnik misileraalluni siusinnerpaamik 2012-imi januaarimi aalisarsinnaalissaaq. Siuteqqut qaleruallit imarmiut ilaatigut 14 cm angullugit angissuseqalersinnaasarput. Siuteqqup ataatsip nerpitaa 100 gram angullugu oqimaassusaqalersinnaasartoq ukiuni kingullerni Kangiani mamarsaatigilluarneqartalersimavoq. Misileraalluni aalisarnissami paasiniarneqassaaq siuteqqut qaleruallit ima amerlatiginersut allaat inuussutissarsiutigalugu aalisarneqarsinnaassallutik. Misileraalluni aalisarnermi paasisat iluatsissappata neriuutigineqarpoq Kalaallit Nunaata kujataata Siuteqqut qaleruallit nerpikkaajupput ilaatigullu Ka ngiamiunit mamarineqarluarlutik. Siuteqqut ningittagarsornermi, qassusersor nermi aammalu assagiarsunniarnermi sa niatigut pisarineqartarput. Uku Nuup eq qaaneersuupput. Angallat qaleralinniut kalinneqartilluni kivivoq Káte Hansen kaha@royalgreenland.com Royal Greenlandip angallataa qaleralinniut Kangilleq Nuup kangerluani aalisarnerminut atatillugu ajutoornermi kingorna kalinneqartilluni arfininngornermi decembarip 3-ani Sermitsiap kangiani kivivoq. Angallat sisaasoq isikkanillu 44-nik takissusilik Nuugaatsiamiit Nuup kangerluanut qaleralinniartuusoq sisamanngornermi decemberip 1-ata unnuaani nalunaarpoq, angallatip maskiinaqarfiata immalerneratigut angallat ingerlasinnaajunnaarluni Nuup kangerluani ajornartorsiulersimasoq. Qujanartumilli silaqqippoq, angallammilu inuttat sisamat navianartorsiorsimanngillat. Sila pitsaavallaanngitsoq imarlu sarfaqisoq angallat ningittagarsorluni qaleralinniareerluni ajornartorsiulersimavoq. Aalisartut ningittakkersoreerlutik oqquiffissarsiorniar- lutik aalajangersimapput. Angallallu kangerluup qinnguani sermeqarfiusumut pitunneqarpoq, tamaanilu sila atorsaasimavoq. Kingunerileraa sermeq qupisimavoq angallallu sinerissap tungaanut tippugussaajartoriarluni siumigut nunamut aporpoq kinguneranillu immalerluni. Angallatit marluk eqqaaniittut qaaqquneqarsimapput, angallammillu inuttaanillu ikiuigasuarnikkut Kangilleq napparissarniarlugu pituutsersorneqarpoq. Maskiinaqarfik imaarsarlugu aallartinneqarsimavoq, imaarsaanerlu iluatsilluinnalersoq Kangillermut pituutsiunneqarsimasut kittoraasimapput, angallallu ueruloormat immaqqilersimavoq. Aqqartartut angallataat Mads Alex ikiuiartorluni unnuap qeqqata missaani apuuppoq, kinguninngualu Kangilleq kalusiute- riarlugu Nuup tungaanut aallarluni. Sila allanngoriataarmat mallilerlunilu qaleralinniut immaqqilerpoq ajornartorsioqqilerlunilu, angallatillu siua kiserngorulluni immap qaavaniilermat aqqartartut angallataata qaleralinniut sanerarmioralugu kalusiuttariaqarsimavaa. Kalinneranili angallat annaassiniartitaasoq orsueruttoorsimavoq, qaleralinniullu immalluni oqimaalliartuinnarmat angallallu annaassiniartoq navianartorsiornerulinnginniassammat angallammut pituutarsuit killuinnarneqartariaqarsimapput, kingornalu qaleralinniut Sermitsiap kangiani 350 meterit missaanni ititigisumi kivivoq. 4 NAVIGATIO NR. 33 2012
Download PDF file
Build your own flipbook