Ilaquttat sukisaarsarnerlu piffissaqarluarfigalugit Royal Greenlandip kilisaataataani inuttat suleqatigiiaanut marlunnut avillutik sulisarput, inuttat imaani qaammatini marlunni suleriarlutik nunami qaammatini marlunni sulinngiffeqartarput. Lars L. Jørgensen ilinniakkamik naammassinnereernermi kingorna aningaasarsiatigut atugarissaarnerulerpoq. - Qaammammusiaqarlunga aningaasarsiaqartinneqalerpunga soraarnerussutisiassanullu ileqqaariilerlunga. Qaammatit marluk sulereeraangama qaammatit marluk akissarsiaqaannarlunga aamma sulinngiffeqartarpunga, tamannalu malugusunnaqaaq, Lars L. Jørgensen oqarpoq, nangipporlu: - Sulinngiffeqartillunga nunamut pisuttuarneq aammalu timigissarnissaq piffissaqarfigillualernikuuakka ilaquttamalu ilaginissaanut periarfissagissaarnerulerlunga. - Taamaattumik inuusuttut allat imarsiornermik suliaqarusuttut aqattutut ilinniakkamik aallartitsinissaannik kaammattuinnarsinnaavakka. Aammami ilinniakkap naammassereernerani ingerlaqqittoqarsinnaammat. Uanga nammineerlunga kingusinnerusukkut skipsføreritut ilinniaqqikkusuppunga, angallatini anginerusuni naalaganngorusukkama, Lars L. Jørgensen oqarpoq. Lars Jørgensensenip sunngiffimmini nunamiinneq timigissarnerlu nuannarisarai. 3
Download PDF file
Build your own flipbook