Quin Sea Fisheries tikilluaqquarput Matuminnga atuarninni ulapaarfik - suleqatitaanik New Foundlandimi illoqarfinni assigiinngitsuneersunik 700-nit amerlanerusunik suleqateqarfigiligarput - siulleq qaangiutileruttorpoq. New Founlandimi suliffeqarfiup aalisarnermik aalisakkanillu tunisassiornermik aallutaqartup, Quin Sea Fisheriesip, Royal Greenlandimit pisiarineqarnera New Foundlandip naalakkersuisuinit upernaaq akuerineqarpoq, Quin Sea Fisheriesilu Royal Greenlandimut taamaasilluni atalerpoq. Quin Sea Fisheries, ulluinnarni Quin Seamik taaneqartartoq, pissuseqatigiiaanik arlalinnik Royal Greenlandimit Kalaallit Nunaata imartaani aamma aalisarneqarlutillu Kalaallit Nunaannut tunineqartartut assinginik aallutaqarpoq. Kisianni tunisassiai assigiinngisitaartut allaanerulaarput. Siullertut saattuarsuit aappaattullu raajat issittup imartaaneersut Quin Seamit ukioq manna tunisassiarineqarnerpaapput. Suliffeqarfik Quin Sea ingerlalluartuuvoq, aalisartunullu New Foundlandimeersunut tunisassiorfiutaanullu tunisaqartartunut atassute- qarluartarnini tusaamaneqaatigaa. Taamaattorli Quin Seap tunisassiorneq ukkatarisorujussuusimavaa, taamaattumillu suliniutinut tuniniaanermut niuerfinnullu tunngasunut aningaasaliissuteqangaarsimanngilaq. Taamaattumik Royal Greenland Quin Sealu imminnut tulluarluinnarput: Ilisimatitsiss utigi neqareersutut Royal Greenland suliniutinut niuerfinnut tunngasunut aningaasaliissuteqar luarnikuuvoq (taamaattumik oqartarpugut: ”aalisakkanut pisisartunullu qaninnerpaajunissar put kissaatigaarput”). Quin Seap New Foundlandimi sulisui aamma Royal Greenlandip Europami Kangianilu tuniniaasartui qaammatit kingulliit arlallit ingerlaneranni qanimut suleqatigiipput, tamatumanilu New Foundlandimi tunisassiat Royal Greenlandip nunarsuarmi tuniniaasui aqqutigalugit tunineqartarnissaat qulakkeertarsimavaat. Atlantikup Avannaata imartaata illuatungaaniittunik suleqateqarnitta patajaalleqqeriarnissaa qilanaarisorujussuuarput. Pissuseqatigiiaat aalisartakkatta amerlanerpaartaat assigiikkaluartut aalisariaatsivut suliarinneriaatsivullu assigiinngitsorujussuupput – tamatumanilu immitsinnut ilikkagaqarfigisinnaavugut. Quin Seap suliassat tungaatigut iliuuseqalertupallattarnera “Royal Greenlanditoqaq”-p ilikka gaqarfigisinnaavaa. Periarfissarujussuarmik ajornartorsiummilluunniit nalaataqaraanni periarfissarujussuup atorluarneqarnissaa ajornartorsiutilluunniit aaqqinneqarnissaa anguniarlugu sulisunik suliassanik taaneqartunik suliaqarnissamut piukkunnaatiliinnarnik katersuutsitsisariaqarpoq – tamatumalu kingorna aaqqiinissamut sulineq aallartinneqartarpoq. Tamatumani Quin Seap ingammik peqqussuarnik tunisassiornermik, poortuinermik nassiussuinermillu aallutaqarnermiit peqqussuarnik uumasunik Amerikamut Avannarlermut peq qussuarnillu qerititanik Europamut pilersuinermut sapaatit-akunnerisa arlalialuit ingerlanerinnaanni aallutaqalersimanera assersuutissaq qippoq. Uaguttaaq “Royal Greenlanditoqaq”-mi taama- 2 NAVIGATIO NR. 2 • 2016
Download PDF file
Build your own flipbook