Oqaaseqaatit Qullersat oqaaseqaataat Royal Greenland A/S-p naatsorsuiffimmi 1. oktober 2006 – 30. september 2007 ukiumut nalunaarutaa siulersuisut qullersallu ullumi ulloq eqqartorlugulu akuerisimavaat. Ukiumut nalunaarut saqqummiunneqarpoq naatsorsuusiornermi najoqqutassat atuuttut naapertorlugit. Naatsorsuusioriaaseq toqqarneqarsimasoq naleqquttutut isigaarput, ukiumut nalunaarut ingerlatsiviup tamarmiusup ingerlatsiviullu piginnittuunerup pigisaannik, akiitsuinik, aningaasarsiornikkut killiffiinik, angusaannik kiisalu aningaasaataasa nikerarnerinik eqqortunik takutitsimmat. Ukiumut nalunaarutip ataatsimeersuarnermi akuerineqarnissaa inassutigineqarpoq. København, ulloq 12. december 2007 Kukkunersiuisup attuumassuseqanngitsup oqaaseqaataa Royal Greenland A/S-p piginnittuinut Royal Greenland A/S-p ukiumi naatsorsuiffimmi 1. oktober 2006 – 30. september 2007 ukiumut naatsorsuutai, ingerlatsivik tamarmiusoq ingerlatsivillu piginnittuuneq pillugit qullersat oqaaseqaataannik, qullersat nalunaarutaannik, naatsorsuusioriaaseq atorneqartoq pillugu nassuiaatinik, ingerlatsinermi naatsorsuutinik, oqimaaqatigiisitsinernik, nammineq pigisat kisinnerinik innersuutinillu imallit kukkunersiorsimavavut. Ukiumut nalunaarut saqqummiunneqarpoq ukiumut naatsorsuusiornermi inatsisit qallunaallu naatsorsuuiorneq pillugu najoqqutassaat naapertorlugit. Ukiumut nalunaarut pillugu qullersat akisussaaffii Qullersat akisussaaffigaat naatsorsuutit eqqortumik takutitsisut suliaralugillu saqqummiunneqarnissaat, ukiumut naatsorsuusiornermi inatsisit naapertorlugit. Akisusaaffiup taassuma imarai imminut misissortarnerup, ukiumut nalunaarutip pingaarutilinnik paasissutissiinerlunnani eqqortumik takutitsisut suliarineqarlunilu saqqummiuneqarneranut naleqquttup ilusilersugaanera, atuutsilernera kiisalu attanneqarnera, paasissutissiinerlunneq unneqqasserlunnikkut piaarinaatsoornikkulluunniit saqqummiunneqaraluarpat, kiisalu naatsorsuusioriaatsip ileqqorineqartussap naleqquttup toqqarneqarnera atorneqarneralu, naatsorsuutitigullu nalilersuinerit, pissutsinut atungarisanut naapertuuttut. Kukkunersiuisup akisussaaffia kukkunersiuinerlu naammassineqartoq Uagut akisussaaffigaarput ukiumut nalunaarut pillugu inerniliinissaq, kukkunersiuisimanerput toqqammavigalugu. Kukkunersiuisimanerput ingerlassimavarput qallunaat kukkunersiuinermi najoqqutassaat naapertorlugit. Najoqqutassani taakkunani piumasaqaataavoq pissuserissaarnissamut piumasaqaatit naapertuutsissagivut, kiisalu kukkunersiuinissarput piareersarlugulu ingerlatissagipput ukiumut nalunaarutip pingaarutilinnik paasissutissiinerlunnginnissaa annertuumik qularnaarniarlugu. Kukkunersiuineq tassaavoq kisitsisit paasissutissallu ukiumut nalunaarummi Pisortat Flemming Knudsen Pâviâraq Heilmann Henning Beck allanneqarsimasut uppernarsarneqarnissaannut iliuuseqarneq. Periuutsit toqqarneqartut kukkunersiuisussap naliliinera aallaavigalugu toqqagaapput, tassunga ilanngullugu ukiumut naatsorsuutit paasissutissiinerlunnginnissaannut aarlerinaatit naliliiffigineri, paasissutissiinerlunneq unneqqasserlunnikkut piaarinaatsoornikkulluunniit saqqummiunneqaraluarpat. Aarlerinaatit naliliiffiginerini kukkunersiuisup imminut misissortarnerit, ingerlatsiviup ukiumut nalunaarummik eqqortumik takutitsisumik suliarinnillunilu saqqummiinissaanut naleqquttut nalilersortarpai, kukkunersiueriaatsit atorneqartussat pissutsinut atungarineqartunut naapertuuttut ilusilersorneqaleraangata, taamaattorli ingerlatsivimmi imminut misissortarnerup sukumiissusia pillugu inerniliinissaq siunertarinagu. Aammattaaq kukkunersiuinerup siunertaraa natsorsuusioriaaseq qullersat toqqagaat naleqquttuunersoq, qullersat naatsorsuutitigut nalilersuinerat naapertuunnersoq kiisalu ukiumut naatsorsuutit ataatsimut saqqummiunneqarnerat isummerfigissallugit. Isumaqarpugut kukkunersuinitsinni uppernarsakkavut naamattut, inerniliinissatsinnullu toqqammavigissallugit naleqquttut. Kukkunersiuineq uparuaatissanik nassaarfiusimanngilaq. Inerniliineq Isumaqarpugut ukiumut nalunaarut ingerlatsiviup tamarmiusup ingerlatsiviullu piginnittuunerup pigisaanik, akiitsuinik 30. september 2007-milu aningaasarsiornikkut killiffianik, kiisalu ingerlatsiviup tamarmiusup ingerlatsiviullu piginnittuunerup naatsorsuiffimmi 1. oktober 2006– 30.september 2007 ingerlatsinermini angusaanik eqqortumik takutitsisoq, ukimut naatsorsuusiornermi inatsisit qallunaallu naatsorsuusiorneq pillugu najoqqutassaat naapertorlugit. Nuuk, ulloq 12. december 2007 Deloitte Statsautoriseret Revisionsaktieselskab H.P. Møller Christiansen statsautoriseret revisor Peter A. Wistoft statsautoriseret revisor Siulersuisut Peter Grønvold Samuelsen Sven Lyse Finn Meinel Paneeraq Olsen Peter Rasztar Kathrine Bødker Asger Johansen Lars Berthelsen Niels Ole Møller 4
Download PDF fil
Indholdsfortegnelse
Byg din egen flipbook