Leder „Taamaallaat pisisartunik qiimmaallatsitsisarnitsigut iluanaarnartumik, peqqinnartumik attanneqarsinnaasumillu ineriartorsinnaavugut“ Una aallaqqaasiussaq, kissaatiginartumik Navigatiomi aallaqqaasiisarnissanni amerlaasuuni siulliummat, aamma nutaami IntraCom-imi (atugassiami uani allaaserineqartumi), oqaasissakka oqaatsinik ukuninnga aallaqqaaserniarpakka „aluu“, „goddag“ aamma „hello“-mik. Amerlanersassinnullu tamanna aamma oqaatigereersimavara – tuniniaavitta allaffeqarfiini Nunarsuarmi sumi tamaaniittuni, fabrikkini aamma allaffeqarfiit qitiusoqarfiinut pulaarninni. Aamma una, oqaatigerusutara: Qujanaq ilassilluarassinga. Nuannaarutigisimaqaara. Royal Greenlandimut ukioq 2010 pisoqarfiusimaqaaq, tamakku pipput 2009-mi angusat pitsaanngitsut naapissimagatsigit – ukiumi tassani taamaattumik mumittoqarpoq. 2009/2010-mut 43 mio. DKK-inik ajunaaruteqartoqarpoq, naammaginanngilluinnartumik. Kisianni siullermik ukiup siulianut naleqqqiullugu siuarujussuarnermik angusaqartoqarpoq, ilaatigullu ukiup ineriartornera imaassimalluni qaammatit arfinillit kingulliit ingerlanerat aningaasarsiffiusimallutik. Suliffeqarfissuup angusai ajorluinnartumiit (annertunngikkaluartumik, kisiannili…) ajunngitsup tungaanut pisimanerat, soorlu tamanna nalunngikkipput, uanga ataqqinaatigisussaanngilara tamanna tuniniaavinni, tunisassiorfinni aamma atorfillit qitiusumik inissisimasut akornanni sulilluarsimanermit angusaq taanna kusanartoq pisuuvoq. Tamannalu anguneqarpoq ilaatigut siunertalimmik pikkorissunik sulisoqalersimanikkut aamma suliffeqarfissuup ingerlataani tamani pitsaanngorsaanikkut, ilaatigut nutaanik atorfinitsitsiortornikkut, atorfilittat atorfiinik qaffaanerit ingerlanneqarsimanerisigut aquttullu akornanni Nunatsinni nunattalu avataani, nikisititerinikkut,. Suliaq pitsaasoq Royal Greenlandimi ingerlanneqalereersoq ingerlatiinnassavarput sukkatsisarlugulu. Qanittoq ungasinnerulaartorlu isigalugit Royal Greenland isigalugu anguniagaraara, angusatta uaniinnissaat, imaalissalluta – nunarsuarmi aningaasarsiornikkut ajalusoortoqassagaluarpalluunniit – ingerlalluarnerput kalluarneqassanani. Ulluni ajortuni allaat aningaasanik annaasaqassanngilagut. Ungasinnerusoq isigalugu – tassa taama nalunanngitsigaaq – suliatsinni pikkorinnerpaassaagut. Ineriartortitsinermut aalisakkanik qalerualinnillu tunisassiortut pikkorinnerpaat. Pisisartunut atuisunullu sumi tamaniittunut qiimmaallatsitsillaqqinnerpaat. Taamaattumillu: Iluanaarutaasumik, peqqinnartumik aamma attanneqarsinnaasumik ineriartortitsiffiusoq pikkorinnerpaaq. Iluatsitsinissamut aqqut assortugassaanngitsumik allanngortitassaanngitsumillu pisisartutta niaquanniippoq, aqajaruanni uummataannilu. Allamik pingaarnerusoqanngilaq Royal Greenlandip pisisartunik tunisassiatimigut qiimmaallatsitsisarneranit. Pisisartut aamma atuisartut qiimmaallatsittarnerisigut taamaallaat angusinnaavarput aningaasarsiornartumik, peqqinnartumik aamma attanneqarsinnaasumik aningaasarsiornikkut ineriartorneq. Piviusumik tassa tassuuna Kalaallit Nunaanni naleqalersitsisinnaagaluarpugut taamaalilluta taamaassuunalu annerpaamik inuiaqatigiinnut piginnittunut tapertaalluarluta. Iluanaarutaasumik, peqqinnartumik aamma attanneqarsinnaasumik aningaasarsiornikkut ineriartorneq tunngaviuvoq suliffissanik pilersitsinissanut akileraarutissanillu pilersitsinermut – ilaatigut Nunatsinni ineriigaanerusunik tunisassiornerup ingerlanneratigut aningaasarsiorfissanngorlugu allaat. Matumanilu paasissallugu soqutiginarpoq, Nunatsinni atuisut tunisassiaatitsinnik pitsassuarnik qanoq atsigisumik atuisunngorsimanerisa paasisaqarfiginissaat, nunatsinnuinnarmi tunisassiaatitsinnik tunisaqartarnerput siuariarujussuarsimavoq. Tamavissi suleqatiginissassinnut qilanaaqaanga. Royal Greenlandi suliffeqarfissuuvoq periarfissarpassuaqartoq, aatsaat suliaralugu aallartilaakkatsinnik. Mikael Thinghuus Saqqaata assitaa 16. januaari 2008 tamatsinnut ulluuvoq immikkut ittoq, ullormi taanna Royal Greenlandip fabrikkia Koszalinimi ammarpoq. Nersutinut neqaarniarfitoqqami, siusinnerusukkut neqaarniamit ”AGROS”imit pigineqartumit kiilu siulleq nioqqutissiaavoq. 2010-mi aatsaat taama tunisassiorneq annertutigisimavoq 1.200 tonsiusimagami (1000 tons anguneqanngisaannaraluartoq), pisiat pisisartunut annguttartut 98% tikissimavaa utertittakkallu 2%-ip ataaniillutik. Navigatio Royal Greenland A/S-imit saqqummersinneqartarpoq. Pisartagaqarneq akeqanngilaq uunga noqqaassutigineqarsinnaalluni royalgreenland@royalgreenland.com. Akisussaalluni aaqqissuisoq: Siverth Amondsen • Ilusilersuisoq: Naqitat A/S • Naqinneqarpoq: Naqitat A/S. Allamik allasserinnittoqanngippat allattuuvoq Siverth Amondsen, siam@royalgreenland.com. Royal Greenland A/S • Postboks 1073 • 3900 Nuuk • Tel. (+299) 36 13 00 • Fax (+299) 32 33 49 • royalgreenland@royalgreenland.com • www.royalgreenland.com
Download PDF file
Build your own flipbook