Ukiut arfinillit ingerlanerini aatsaat taama angusarissaartigaavut Juulli ukiortaarlu qaangiulluarput neriuppungalu tamassi sulinngiffissi nuannarisimagissi aamma iluaqutigalugu nukissaqarluarlersimassasusi. Ukioq naatsorsuusiorfik 2010/11 qaangiulluarpoq nuannaarutigalugulu qularnaarparput ukiut kingulliit arfinillit ingerlanerini aatsaat taama angusarissaartigisimalluta. Ukiut kingulliit marluk assut ilungersornarsimapput. Ilissilu sulinersi iluaqutigalugu Royal Greenlandimut ineriartorneq mumippoq. Ukiumi naatsorsuusiorfiusumi 2010/11-mi sinneqartoorutit 79 millionit koruuniupput, tamanna ukiumut siulianut sanilliussilluni 122 millionit koruuninik pitsanngoriaataavoq. Ingerlatsinermi angusat 171 millionit koruuniupput taakku kaaviaartitat 3,6 procenteraat siorna 1,7 procentiullutik. Tamatumunnga ilutigitillugu akiitsut taarsigassarsiat ernialersukkat 203 millionit koruuninik ikilisinneqarput. Kisitsisini pingaarnerni uppernarsarneqarpoq siunissamut pilersaarut Naleraq 2013-imi aalajangersarneqartoq malinneqartoq. Royal Greenland suliffeqarfittut annertusiartortitsisutut ingerlaqqilersimavoq. Kaaviiaartitat 8 procentimik annertuseriarput 4,7 milliardit koruuniullutik. Annertusiartortitsineq qularnaappoq tuniniaavinni tamani annertusiartortitsisimagatta. Ingammik Kangiani niuernermi annertusiartortitsineq qitiutinneqarpoq, Skandinaviami ineriartorneq pitsaasuuvoq kisianni aammattaaq tunisassiat piariikkat Europami niuerfinni unammillerfiusuni tunisat eqqarsaatigalugit. Kaaviiaartitsinermi annertusititsinerit ingammik raajat aamma qalerallit tunisaaneranni pitsaasumik ingerlasoqarnerannik iluaquserneqarput, taakku tunineqarneranni akiisa qaffasinnerisa tulaassinermi akinik qaffasinnerusunik akiliuteqarnissaq periarfissaqartippaa. Atlantikup Avannaaneersunik niueruteqarneq, tassaasunik aalisakkanik igariaannanngorlugit piariikkanik Atlantikup Avannaanersuunik, pitsaasumik ineriartornermut tunngaviunerpaavoq. Tunisassiat tassaasut raajat qalipaajarneqanngitsut, raajat igariarlugit qalipaajakkat, nipisat suaat aamma saattuat assut pitsaasumik immikkut ineriartorfiusimapput. Nipisat suaannik niueruteqarneq annertusiniarlugu Cuxhavenimi tunisassiorfiup pisiarineqarnera naatsorsuutigisamit annertunerusumik kinguneqarsimammat nuannerpoq. Nioqqutissat naleqalersikkiartuaarneranni tulaassinermiit pisisartumut ingerlanerannut naleqartitsinerulersimavugut. Tamatuma kingunerisaanik Royal Greenland aamma aalisartut aningaasanik amerlanernik isertitaqarput. Piffissami ingerlatsiffiusumi kingullermi tulaassat tunisassiarineqanngitsut akii 22 procentimik qaffariarput. Pisineq inuiaqatigiinnut kalaallinut aamma Royal Greenlandimut oqaluttuaavoq iluatsittumik ingerlasimasoq. Europami niuerneq tassaasoq fabrikkini Tysklandimi Wilhelmshavenimi aamma Polenimi Koszalinimi igariaannarnik tunisassiorneq ajornartorsiorfiunerusimavoq. Ingerlatsineq annertusiartorpoq kisianni Wilhelmshavenimi tunisassiat assigiinngitsut isertitaqassutiginerat 2009/10mut ukiumut pitsaaqisumut sanilliussilluni unammillernarpoq. Polenimi fabrikkip pitsaasumik ineriartornera annertussutsit aamma isertitaqarnerit eqqarsaatigalugit ingerlaqqippoq, siunissarlu eqqarsaatigalugu Royal Greenlandip isertitaqartarneranut ajunngitsumik tapertaalissaaq. Kisianni isertitaqarneq pitsaasumik kisimi ineriartorfiunngilaq. Akiitsugut taarsigassarsiat ernialersukkat iliuuseqarfigisatta pingaarnersaraat. Oqaatigineqareersutut 2010/11-mi annikilleriarput, kisianni suli amerlavallaaqaat. Taamaattumik uagutsinnut eqqarsaatigaluta kisianni aammattaaq inuiaqatigiit kalaallit eqqarsaatigalugit akiitsugut annikillisittariaqarpavut. Tamatuma aningaasarsiornikkut Royal Greenland periarfissaqarnerulersissavaa, tamatumunngalu ilutigitillugu Kalaallit Nunaata naatsorsuutaanut annikkinnerusumik sunniuteqassaaq. Akiitsut taarsigassarsiat ikilisarniaraanni soorunami aqqutissaavoq naatsorsuutitigut angusaqartarnerup pitsaasuunissaa, kisian- Saqqaata assitaa Royal Greenland Academy 2011 naalersoq aallarteqqippoq. Meeqqat assingat Uummannami ataatsimeersuaararnermit, tunisassiorfimmi sulisut meeraasa peqataaffigisaannit assilisaavoq. Navigatio Royal Greenland A/S-ip saqqummersittagaraa · Akeqanngitsumik piniarneqarsinnaavoq uunga saaffiginninnikkut: royalgreenland@royalgreenland.com Akisussaasutut aaqqissuisoq: Káte Hansen, kaha@royalgreenland.com · Ilusilersorneqarnera naqinneqarneralu: Naqitat A/S, Tupaarnaq Jupin Haase Royal Greenland A/S · Postboks 1073 · 3900 Nuuk · Tlf. +299 36 13 00 · Fax: +299 32 33 49 · royalgreenland@royalgreenland.com · www.royalgreenland.com 2 NAVIGATIO NR. 33 2012
Download PDF file
Build your own flipbook