NAC immikkoortoq 3-p siammasissusaa Iliuusissatut pilersaarusiarput The North Atlantic Champion immikkoortoq 3 Navigatiomi kingullermi ilisaritipparput. Iliuusissatut pilersaarusiap siammasissusaa atuagassiami uani arlalinnik assersuutissaqarpoq, sulisullu atuagassiaanni tullerni amerlanerusunik assersuusiornissarput ilimasaarutigiinnarsinnaavara. Niuernikkut Europami ineriartortitsinissamut periarfissat allaaserisatut pingaarnerit ilaanni marlussunni allaaserineqarput. Europap qeqqani pisut allaaserineqarput, eqqartorneqartulli ilaat aamma Skandinaviamut tunngassuteqarsinnaapput. Europami niuerfiit taakkuupput tunisassianik Kalaallit Nunaanneersunik ukiuni amerlanerni tunisaqarfiginerpaasavut, aammali tunisassiat Kalaallit Nunaanneersuunngitsut imaluunniit Atlantikup avannaaneersuunngitsut tamaani tunisarinerpaasimavagut. Tunisassiarpassuarnik Atlantikup avannaaneersuunngitsunik Europami tunisassiaatini ilaartuinissaq niuernikkut tunngavilersuutissaqarluarsimasoq allaaserisani atuarneqarsinnaavoq. Niuernikkulli tunngavilersuutit taakku iliuusissatut pilersaaruterput naapertorlugu tunisassianit Atlantikup avannaaneersunit assortorneqarsinnaanngitsumik maanna inangerneqarput. Navigatiomi kingullermi oqaatigeriikkattuut tunisassiat Atlantikup avannaaneersut ullumikkut Royal Greenlandip tunisaasa 2/3-iinik annertussuseqalerput massa ukiut tallimat matuma siorna pingajorarterutaannaasimasut. Aalisakkanik qalerualinnillu Atlantikup avannaaneersunik tunisaqarnerpaalersussatut angunigagarput ullumikkut angoreerparput. Ineriartorneq tamanna tunisassianik Atlantikup avannaaneersuunngitsunik niuerfinni siornatigut tunisaqarnerpaaffigisatsinni unammillernartoqarfiusimavoq. Unammilligassallumi niuerfinni pineqartuni sulisutta ajunngilluinnartumik aaqqiissuteqarfigisimavaat. Iliuusissatulli periusissiap The North Atlantic Championip ineritikkiartorneqarnerata tungaanut Europami unammillerfiuinnarsimanngilaq. Aammali inerisaanissamut periarfisseerujussuarsimavoq – taakkuuppullu allaaserisami ukkatarineqartut. Inerisaanissamut periarfissaqarfiit arlaqarput: • Tunisassiani Europami tunereertakkatsinni – pingaartumik raajani – siammasinnerusuni sulilu nalitusaanerusukkut pisinnaapput. • Tunisassiani Europami tunisatigut annertuallaanngitsuniipput – pingaartumik qaleralinni, aammali saattuani peqqussuarnilu. • Igaffissuaqarfinnut tunisaqariartuinnarnitsinniipput – taakkunanilu tunisassiat pitsaassusaannik aamma tunisassiat pillugit nassuiaatinik paasinnilluartoqarnerusarpoq. • Pilersueriaatsini nutaarluinnarniipput Kalaallit Nunaatalu Europamut qanikannersuunera iluaqutigalugu Europamiut nutaanik aassikkanillu piumasaqarluarnerat taakkunatigut atorluarniassavagut, saarulliillu Nutaaq Codit aallarniutigissavagut. Niuerfiit nunarsuarmi ineriartorfiusut oqaluuseriuarnissaat pissusissamisoorluinnarpoq. Eqqaamasariaqarparpulli Europa tassaammat nunarsuarmi piserusussusillit akornanni milliardit affaannik amerlassususilinnik ullumikkut pisisartoqareersoq. Royal Greenlandimilu tunisassiat killeqareersut pissarsiarisinnaasat ta Europami tuniniarneqarnissaat eqqarsaatigalugu Europami tuniniaasartutta unammillerutiginiarlugit aalajangereerput. Suliffeqarfiup 2 NAVIGATIO NR. 1 • 2019
Download PDF file
Build your own flipbook