NAC v3 Qulequtaa qarasaasiami pinnguaatip atianut assingungajassinnaavoq - taamaattuunngilarli! NAC v3 tassaavoq iliuusissatut pilersaarutip The North Atlantic Championip pingajussaat, taannalu Royal Greenlandip iliuusissatut pilersaarutigaa nutaaq pitsaanerusorlu. Iliuusissatut pilersaarutip pingajussaataa NAC v3-p qulequtaa NAC v2-mut taannalu sioqqullugu 2013-imi iliuusissatut pilersaarutiliaqqaatsinnut The North Atlantic Championimut pissusissamisoortumik kingoraartaaneranut takussutissaavoq. Royal Greenlandip Atlantikup Avannaata imartaaneersunik tunisassianik – piuneranut niuerfinnilumi tunisassiatsinnik niueruteqarfiusartuni ineriartortitsineranut tunngaviulluinnartunik - ineriartortitsinermi inunnik aningaasarsiornermillu ukkassinissaa anguniarlugu iliuusissatut pilersaarutiliaqqaarput NAC pilersinneqarpoq. Tamatumani anguniagaq aallussaqarfiusunik tunisaqarnikkut, nutaatut aallussaqarfissanik pisinikkut minnerunngitsumillu Atlantikup Avannaata imartaaneersunik aallaqqaataaniit niueruteqarnitsinnik ataqatigiilluinnartumik ineriartortitsinikkut tamakkiisumik anguneqarpoq. Atlantikup Avannaata imartaaneersunik tunisassiat 2013-imiit maannamut tunisatigut mar loriaammik siuariaateqarfiupput. Royal Green landip 2013-imi tunisaasa pingajorarterutingajaat Atlantikup Avannaata imartaaneersuupput. Maanna tunisaasa pingajorarterutaata marloriaataanit annertunerusut Atlantikup Avannaata imartaaneersuupput. Taamatuttaaq tunisassiat assigiinngiiaartut allanik taarsernerisigut ineriartortinneqarnerat nunanik allanik niueqateqarnerulernernik ki nguneqarpoq: Ukiut tallimat matuma siorna tunisassiatta 10 %-ngajai Kangiani tunisarpavut, maannalu 25 %-init annertunerusut Kinami Japanimilu tunisarpavut. Iliuusissatut pilersaarutiliaqqaarput NAC taamaalilluni ulluinnarni sulinermi immaqa eqqarsaatigerpianngisatsinnik malunnartumik niueruteqarnerulernitsinnut kinguneqartumik niuernitta ingerlarnganik allanngortiterinitsinnut sunniuteqarpoq. Iliuusissatut pilersaarutiliaqqaarput NAC ukiut marlussuit qaangiuttut NAC v2-mik taallugu nutarterparput. Iliuusissatut pilersaarutiliaqqaatsinni NAC-imi allannguutit pingaarnersaraat raajanik qaleralinnillu tunisassiat saniasigut tunisassiat allat pingaarnerusutut inissisimalernerat. Ingammik saattuat saarulliillu. Iliuusissatut pilersaarutiliaqqaarput NAC taassumalu kingoraartaa NAC v2 iluaqutigilluarpavut, tamannalu aningaasarsiorluarnitsigut taamaal- lat erserani aammali soorlu Royal Greenlandimi sulisut amerlinerisigut erserpoq. Taamaammat Royal Greenlandip iliuusissatut pilersaarummik nutaarluinnarmik pilersitsinissaa pisariaqanngilaq. Mumisitsinissarput pisariaqarsimanngilaq – ukiulli tallimat arfinillilluunniit kingulliit ineriartortitsinitsinni periutsitta assipajaa tunngavigalugu mumisitsinissarput pisariaqarpoq. Tamanna immaqa pikkunaaginarsinnaavoq – tamannali suliffeqarfimmut, sulisunut, piginnittunut najukkanilu amerlasuuni aallussaqarfigisatsinni inuiaqatigiinnut qularnanngivissumik pitsaanerpaavoq. Tamatumani ilaatigut iliuusissatut pilersaarutitta The North Atlantic Championip pitsaalluinnartuunera ilaatigullu ataavartumik ineriartortitsinerup kikkunnulluunniit; pisisartunut, aalisartunut sulisunullu toqqissisimanartuunera tunngaviupput. Iliuusissatut pilersaarutitsinnik ineriartortitsiuaarnitsinni ukkatarput pingaarnerpaaq nalitusaanermut tunngavoq. Tamanna Navigatiomik matuminnga saqqummiuttakkamik atuartartutoqqat ilisimassajunnarsivaat nalitusaaneq 2017-imi 2018-imilu pingaarnertut ukkatarigipput. Pissuseqatigiiaat pingaarnertut aallussatta nu narsuarmi aalisarsinnaariikkatta annertusinissaat NAC-imi NAC v2-milu pingaartittupilussuuarput. Sulilumi taamaappoq. 2 NAVIGATIO NR. 2 • 2018
Download PDF file
Build your own flipbook