Kisianni aalisakkanik, raajanik, saattuanik inalualinnilluunniit massakkut aalisartakkatsinnik tunisiffigineqarnikkulluunniit pissarsiarisartakkatsinnik nalitusaanissarput NAC v3-mi ukkatarilluinnarparput. Tunisassiassanik qaffasilluinnartunik pitsaassusilinnik killilimmik pissarsiarineqarsinnaasunik tunisassiornermik aallussaqartuunerput pissutigalugu nalitusaanissatsinnut pisussaaffeqarpugut. Navigatiomi allaaserisat pisarnertut soqutiginarluinnarput – allaaserisamilli ataatsimik taamaallaat atuarnissannut piffissaqaruit kajumissaarpakkit NAC v3 pillugu allaaserisaq takisooq erseqqissorlu Navigatiomi uani saqqummertumi ilanngussaq atuassagit. Atuarukku suliniutit assigiinngitsut Navigationi kingusinnerusukkut saqqummertussani allaaserineqaqqittussat pil- lugit paasisaqarnissannut tunngavissaqarlualissaatit. Matuminnga allaaserisaqarninni 2018-ip naanissaanut sapaatit-akunneri sinneruttut maanna amerlajunnaarput, taamaattumik ukiumi qaangiutilersumi qanoq angusaqartigiumaarnersugut suli iluamik paasinngilarput, takusinnaasavulli naapertorlugit massakkumut angusavut isumalluarnartupilussuupput – allaallumi ukiup aallartinnerani ilimagisatsinnit pitsaanerulaassamaarpasipput. 2019-imi assigiinngitsunik pisoqartussaavoq: Siullertut nunani assigiinngitsuni niuernikkut killilersuisoqassagunarnera Newfoundlandimilu saattuartassiissutigineqartut raajartassiissutigineqartullu annikilliartornerat pissutigalugit tu- nisassiassakinnerulertussaanerput niuernikkut killiffitsinnut sunniuteqassaaq. Aappaattuullu ilimagaarput nalitusaanermut suliniuteqarnitsigut iluanaarutissatta ilai 2019-imi angussallugit. Massakkut killiffipput eqqarsaatigalugu aalisarnerup, tunisassiornerup, tunisassianik ineriartortitsinerup tuniniaanerullu tungaatigut suliniuteqarnerput unammillernartut pinngortitamik nunarsuarmilu politikererpassuit piumasaqaataannik aallaavillit anigornissaannut iluaqutaassangatipparput – taamaattumillu ukioq 2019 Royal Greenlandimut aamma angusaqarfiulluassangatipparput. Mikael Thinghuus Pisortaaneq Royal Greenland A/S · Postboks 1073 · 3900 Nuuk · Tlf. +299 36 13 00 · Fax: +299 32 33 49 royalgreenland@royalgreenland.com · www.royalgreenland.gl · www.royalgreenland.com NAVIGATIO ROYAL GREENLAND A/S-IP SAQQUMMERSITTAGARAA Atuagassiaq akeqanngilaq uanilu piniarneqarsinnaavoq: royalgreenland@royalgreenland.com AKISUSSAASUTUT AAQQISSUISOQ: Káte Hansen, kaha@royalgreenland.com ILUSILERSORNEQARNERA: Info Design aps NAQINNEQARFIA: Specialtrykkeriet Viborg as NAVIGATIO NR. 2 • 2018 3
Download PDF file
Build your own flipbook