2. Inuussutissat isumannaatsuunerat nakkutilliinerlu Royal Greenland aalisakkanik qalerualinnillu inuusutissatut isumannaalluinnartunik tunisassiortarpoq pisisartullu pitsaalluinnartuunissamik ilimagisaat malittarlugit. Pitsaassuseq Inatsisit atuuttut malinneqarnissaat pillugu pisortat suleqatigaagut. Pitsaassumik tunisassiornissaq pillugu pisisartugut suleqatigaagut piumasaqaatigineqartullu malikkumallugit nalunaarutigineqartut qisuariarfigisarlugit. Tunisassiorfigut anginerit BRC* aamma/imaluunniit IFS* malillugu akuersissutinik peqarput. Sukumiisumik ataavartumillu nakkutilliineq aqqutigalugit tunisassiat pitsaasuunerat uppernarsartarpaput. Pilersuinerup isumannaatsuunissaanut piumasaqaatitta appasinnerpaamik 98%-iunissaa anguniarparput. Pitsaassuseq inuussutissallu isumannaatsuunerat pillugit pisisartunik suleqateqarnerput tatiginartuullunilu piviusorpalaartuuvoq. Inuussutissat isumannaatsuunerat Royal Greenlandip pitsaassutsimik aqutsissutaa HACCP ISO22000-imut killeqarpoq. Pitsaassutsimik aqutsissuterput navianartoqarsinnaaneranik ilimasunneq tunngavigiuarlugu ingerlanneqarpoq. Pitsaasutsimik aqutsissuterput tunisassiat nutaat, piumasaqaatot ulorianarsinnaasullu najoqqutaralugit naleqqussarneqartuarpoq. Nutaanik ulorianartoqarsinnaanera ilimagiuarlugulu ilisimaariuarparput. Suliffissuaatigut EU-mi piumasaqatit naapertorlugit naleqqussarneqartuarput ulorianarsinnaasullu millisarneqartuarlutik. Tunisassiat, poortuutit akullu pisiffigisat tikillugit malersorsinnaasarpagut, pisariaqarpallu aallartiffiat tikillugit malersorsinnaallugit. Nalunaaquttat akunnialunnguisa ingerlanerini tunisassiat niuerfinniit utertissinnaavagut. Inuussutissat peqqinnerlu Akut saperneqarsinnaasut pillugit atuisartut poortuutit aqqutigalugit ilisimatittarpagut. Saperneqarsinnaasut inuussutissanut allanut ingerlateqqinneqarsinnaanerat pinngitsortinniarlugu tunisassiornermi ingerlatseriaatsit immikkoortisimasarpagut. Pisisartut qinigassaqartikkumallugit tunisassiat ataasiakkaat inuussutissaqassutsikkut akui ilisimatitsissutigisarpagut. Niuerfinni ataasiakkaani pisariaqartitsinerit naapertorlugit GDA*-t aaamma nøglehulsmærkning* atortarpagut. Periusissat aalajangersarneqarsimasut malillugit nalunaarsuusersuisarpugut. »Sapaatip akunneranut marloriarluni aalisagartortaritsi« tunngavigalugu aaisakkat inuussutissatut pingaaruteqassusiat oqariartuutigisarparput. * BRC = British Retail Consortium, IFS: International Food Standard * GDA = guideline daily amount * Nøglehulsmærkning = Scandinavian health mark. Version 1. 20.04.2009 3
Download PDF file
Build your own flipbook