Grade A Sisimiunut, Ilulissanut aamma Paamiunut Koncernimi siulliulluni Kalaallit Nunaat BRC Standardip Version 5-anik akuerisaavoq. tunngaveqarluni isumannaatsumik ingerlanneqarsimasoq, akuutissat illersorneqarsinnaanngitsut akuliunneqasimanngitsut, maskiinat peqqinnissamut ulorianaataasinnaasunik imaqanngitsut il.il. Pisortat pimoorussineranniipput pisortat qullerpaat suliat pitsaassusiinik suliaqarnermik isumartik nalunaarutigissagaat. Malittarineqarsinnaassutsip uppernarsarneqarsinnaanera isumaqarpoq raajat patch/palle sumiikkaluartorluunniit malittarineqarsinnaassasoq, assersuutigalugu sumi pisarineqarsimanersut aamma pisisartumukarnermini pacht/ palle sumut pisimanersoq. Allagartalersuisarnerup kingornalu piviusunngortitsisarnerup sukaasa pingaarnerpaat ilaat pitsaassutsimik nakkutilliisut RG-p illorsuani Nuummi quleriit pingajuanniipput. Pisoq una pitsaassutsimik nakkutilliisut pisortaanut Dorthe Korsgaardimut pissanganarpoq: - Allagartalersuisarnermi uppernarsaasiisarneq unamminarnerpaasimavoq eqqarsaatigalugit maskinanik nioqqutissiortut atortui EU-mit akuerisaallutik inuussutissanillu nioqqutissiornermi atorsinnaasut nioqqutissiortuinit uppernarsaasissallugit. Akuersissutip qulakkiissavaa rajaat aqqusaagaat attortagaallu tamarmik akuutissartaqassanngitsut raajanut ingerlaqqissinnaasunik. British Retail Consortium, BRC Pauline Gallagher, RG UK, paga@royalgreenland.com BRC standard naapertorlugu pitsaasusiliisarneq siulleq 1998-imi saqqummerpoq. Taanna tunngavigalugu nammineq atertik atorlugu nioqqutissanik tuniniaasartut imminut sanillersuunneqartarput. Inuussutissat pillugit EU’p inatsisai naapertorlugit pisiniarfiit kiisalu namminneq atertik atorlugu inuussutissanik tuniniaasartut inatsisitigut akisussaaffeqarput. Pitsaasumik nakkutiginnissinnaanermigut Royal Greenlandip takutippaa piffissaagallartillugu periutsinik naammattunik peqarluni pisortanit piumasaqaatinut uppernarsaanermi tunngaviliisinnaasumik, Royal Greenlandip atia atorlugu nalunaaqutsikkat kisiisa eqqarsaatiginagit pisiniarfiilli namminneq atertik atorlugu tuniniaasunut tunisat aamma eqqarsaatigalugit. Pitsaassusiliisarneq BRC atuleqqaarmat pisiniarfiit tamarmik pitsaassutsimut namminneq aalajangersagaqarput naliliisartoqarlutillu. Pisiffigisartakkat amerliartortillugit siammariartortillugillu nakkutilliisut allatut ajornartumik nunarsuaq kaajallallugu angallavigisariaqalerpaat. Taamaattumik BRC standardip piffissaq atugaq aningaasartuutillu nakkutilliinermi atorneqartartut millisippaat. Periuutsit ineriartortinneqarput, nalilersuisartullu suleqatigiit pisiniarfinnit, neriniartarfinnit, nioqqutissiortunit, ilisimatusartunit inuussutissalerinermilu nakkutilliisunit peqataaffigineqarput. Version 5 ukiormanna siusinnerusukkut atulerpoq, annertusarneqarsimalluni aqutsisut peqataanissaannik, inuussutissat isumannaatsuunissaannik kiisalu peqqinnissamut akornutaasinnaasut mississoqqissaarneqarnissaannik imaqarluni. Nioqqutissiatsinnik pisiumasut isumaqatiginninniarneranni, qanoq atsiginerat apeqqutaatinnagu, piumasaqaataavoq avaqqunneqarsinnaanngitsoq aatsaat pisiumasarmata BRC malillugu nioqqutissiorneq pisimappat. Raajanik uusunik qalipaajakkanillu pisiniartut eqqarsaatigalugit tamanna pingaartinneqarnerpaasarpoq, raajat nalilerneqartarmata nerisassatut piariikkatut (”ready to eat” ingrediens). Tamanna aamma atuuppoq Europami pisinarfinni periuutsimik assingusumik IFS-imik atuutsitsisunut. BRC standard nunani arlalinni inuussutissanik nioqqutissiortuni atorneqalereerpoq, Tuluilli Nunaanni pisiniarfiit anginerit suli immikkut piumasaqaateqartarput piffissap ilaani namminneq misissuisitsisarlutik. BRC Standardimik malinninnerminit suli pitsaanerusumik ingerlatsinissaanut pisisartut taamaattut Royal Greenland kaammattortuassavaat, aammalu Royal Greenlandip nammineq najoqqutassiaminik pitsaassutsimillu inissiinini pitsaanerulersittuassallugu kaammattuissallutik. Sofia Geisler soge@royalgreenland.com British Retailer Consortium, BRC sinnerlugu Bureau Veritasip Sisimiuni, Ilulissani Paamiunilu suliffissuit akuerai, suliffissuillu taakku BRC Standardip Version 5-anik akuerisaapput. Akuerisaanerup kingorna pisiniartartup, BAKAVORip, Sisimiuni aamma Ilulissani suliffissuit akuerai nioqqutissianik tuluit pisiniafissuinut Tescomut kiisalu Marks & Spencerimut tunisisinnaassasut. BRC nioqqutissiami immikkut pineqanngilaq, qanorli iliornermut uppernarsaasuulluni. Tassalu periusiuvoq inuussutissanik nioqqutissiornermi malinneqartussaq suliat aalajangersimasumik tulleriinnilersorneqarlutik, tassalu tassaasinnaalluni periutsimut atuutereersumut tapertaliussaq. Akuersissutinik allagartalersuinerup kinguneranik inatsisit piumasaannit annerusumik Royal Greenlandip uppernarsassavai inuussutissat isumannaatsuunissaat, pisortat pimoorussinerat kiisalu malittarineqarsinnaassuseq. Malittarineqarsinnaajuaannarneq Tamanna isumaqarpoq Royal Greenlandip qulakkiissagaa nioqqutissiorneq peqqinnissamik Ass.: KG Ilulissani pitsaalluinnassuseqartitsineq Raajarniat Royal Greenlandillu suleqatigiilluarnerisa qulakkeerpaat raajat Ilulissaneersut pitsaalluinnassuseqaqqilernerat. Naluneqanngilaq piviusuusoq nioqqutissiassaq ajortumik suliarineqarsimagaangami, pissusissamisoortumillu pitsaassusissaq ajornerulerluni, taava pitsaassuseq nioqqutissiassamiittussaq utertinneq ajornarsilluinnartartoq. Ajortumik suliarinninneq qaqinneraniit uunneranut pinngitsoortussatut qulakkeerneqartariaqarpoq. Qeqertarsuup Tunuani Ilulissat illoqarfiata avatinnguani raajat immikkorluinnaq ittumik namminneq pitsaassuseqarput. Taamaattumik raajarniat Royal Greenland suleqatigalugu qulakkeertariaqarpaat pisisartut nerriviinut sassaalliutigineqarnissaminnut raajat pitsaalluinnartuujuaannassasut. Tamanna qulakkeerneqar- sinnaavoq raaja tamatigut mianersuuteqissaarlugu pigaanni. Taamatullu iliortoqarsinnaavoq raajarniat misilittagartuut Royal Greenlandillu qanimut oqaloqatigiinnerisigut. Tamanna isumaqarportaaq raajarniat qaluminni karsinilu amerlavallaartumik raajanik peqatannginnissaat raajat naqerujussuarneqarlutik aserortilernissaat pinngitsoorniarlugu. Raajaat qaqinneqaannarlutik karsinut immiunneqalertorlutillu sikulesorneqassapput, raajat taamaattuni karsiniinnerminni inerittarput pisariaqanngitsumik passunneqaratik karsinut allanut nussoqqinneqartariaqaratik. Raajat pitsaaluinnartuunissaannut peqqutit ilagilluinnartarpaat raajarniat raajartamik pitsaassusii naapertorlugit fabrikkinut tunisaminnik akissarsitinneqartarnerat. Taamaattumik qularnaarlugu paasivarput raajat tunisavut Ilulissaneersut pitsaalluinnaqqilersut. 4 NAVIGATIO NR. 22 2008
Download PDF fil
Byg din egen flipbook