inuiaqatigiinnut avatangiissinullu tapersiisuusartoq. Royal Greenland saqqummersitsinernut imaluunniit ilinniutinik saqqummersitsinernut aningaasatigut tapiissuteqaraangat aningaasanik tapiissuteqarnini pillugu isumaqatigiissutaata nalinga qaffasinaarnagu appasinaarnagulu tapiissuteqarfigisamulli naluqqussarluinnarneqartarpoq. Akerlianilli suliniummik imaluunniit sulisutta suliaannut piginnaasaannullu atatillugu suliniummik imaluunniit aaqqissuussaanitsinnut tunngasumik suliniuteqarnermut tapersiigaangatta tapersiinitta naleqassusaa aningaasartuutit annertussusaanniit naleqarnerusarunarporluunniit. Assersuutit assigiinngitsut marluk Kalaallit Nunaanneersut saqqummiussinnaavakka (matumani Kalaallit Nunaata avataani najugallit naammagittartariaqarput): Ukiuni kingullerni tunisassiorfinni sulisutsinnik ilinniartitsinitsinni ineriartortitsinitsinnilu Royal Greenland Academy kateriffittut ineriartorteq- qipparput. Tamatumunnga ukiut tamaasa Royal Greenland milliuuninik arlalinnik aningaasartuuteqartarpoq, suliniutittali ingerlanneqarnerata naleqassusaa aningaasartuutitsinniit naleqarnerujussuuvoq. Allaniit sunniuteqarluarnerusumik ineriartortitsinissamut suliamik tunniussisinnaanerput pissutigalugu tamanna naleqarnerujussuuvoq, matumani pikkorissartitsisarfinnik peqareernerput tunisassiorfinnilu sulisunik pikkorissarsinnaasunik sulisoqareernerput pissutigalugu. CSR-ip sunniuteqarluarneranut allamik assersuutissaqarpunga; tassa akiliisinnaajunnaarsimasup Arctic Green Foodip tunisassiorfiutai Royal Greenlandip qanittumi pisiarai. Piginnittuusimasup tunisassiorfinnik sumiginnaasimanera pissutigalugu tunisassiorfiit aqqaniliusut iluanni marluinnaat tunisassiornermik ingerlatsipput. Tunisassiorfinnik ammaaqqinnerit ineriartortitsinerillu pingasunik kisitsisitalinnik amerlassusilinnik suliffinnik pilersitsissasut naatsorsuutigineqarpoq; tunisassiorfinni kiisalu aalisartut akornanni. Tunisassiorfinnik pisinitta inunnut suliffissaqaqqilersunut iluaqutaaginnarani naa- lagaaffimmuttaaq aamma kommuninut iluaqutaavoq, matumani inunnik isumaginninnermut atatillugu aningaasartuutaat annikillissammata. Tunisassiorfiit amerlanersaannik ingerlatsineq pissutigalugu Royal Greenland ukiuni arlalinni aningaasatigut annaasaqassasoq naatsorsuutigaarput, suliffeqarfinniilli allanit tunisassiorfinnik pitsaanerusumik ingerlatsisinnaanerput qularinngilluinnarparput. Matumani tunisassiorfinnik ingerlatsinermi aserfallatsaaliinermilu immikkoortortanik aqutsilluartunik kiisalu tunisassiorfiit ingerlanneqarnerannut atatillugu akisussaaffimmik tigusisussanik peqarnerput pissutigalugu tunisassiorfiit ingerlalluarnerusinnaavavut. Tassa tunitsiviit ammaqqinneqarnerat ilutigalugu tunisassianik tuniniaallaqqissunik sulisoqareeratta tamanna sapinngilarput. Tunisassiorfiit ingerlanneqarneranni aningaasartuutissatta nalingat ammaqqinneqarnerisigut inuiaqatigiinnut naleqarneranit annikinnerujussuuvoq. Tassa CSR naleqqunneruffissaqanngitsoq. Mikael Thinghuus, pisortaaneq Royal greenland a/S · postboks 1073 · 3900 Nuuk · tlf. +299 36 13 00 · Fax: +299 32 33 49 royalgreenland@royalgreenland.com · www.royalgreenland.gl Navigatio Royal gReeNlaNd a/S-ip SaqqummeRSittagaRaa Atuagassiaq akeqanngilaq uanilu piniarneqarsinnaavoq royalgreenland@royalgreenland.com AKIsUssAAsUtUt AAQQIssUIsoQ: Lisbeth D. Schönemann-Paul, Corporate Sustainability Manager, lisc@royalgreenland.com IlUsIlersorneQArnerA: Info Design aps nAQInneQArfIA: Specialtrykkeriet Viborg as NAVIGATIO NR. 38 2013 3
Download PDF file
Build your own flipbook