Robert Møller, Ineriartortitsinermut pisortaq Romo@royalgreenland.com „VInuiat ataasiakkaat pisinnaasaat aamma piginnaaneri ataqqivavut, ilinniartitaaneritigullu piginnaanerit pitsaanngorsartuarnissaat suliaralugu.““ Taamatut nipeqarpoq Royal Greenlandip pingaartitaani najoqqutassat quliusut arfineq pingajuanni (8). Taanna anguniakkani najoqqutaasussat/malittarisassat allat pingaaqatigai. Malittarisassaq imatut allassimasoqarpoq: „Nunarsuaq aatsaat taama allanngoriartorfiutigaaq, taamaattumik naleqqussartuarnissamut piareersimajuartariaqarpugut.“ „suliffeqarfittut ineriartorusulluta inuttut ataasiakkaatut ineriartortariaqarpugut. Tamanna piumasaqarpoq ilinniarnissatsinnik.“ Malittarisassat taassuma Royal Greenlandimi sulisut tamaasa nalunaarfigai, pingaaruteqarmat, suleqatigiilluta ineriartornissatsinnut alloriaqqissinnaassagatta aamma ilisimasatta annertusinissaannut piareersimassagatta, taamaaliornikkut qulakkeerumallugu Royal Greenland sulisoqarmat Royal Greenlandip inissisimaneranik piginniinnarsinnaaneq, kisianni aamma pitsanngortitsisinnaaneq unammillersinnaanngortitsisinnaanerlu. Suliffeqarfiit allat Royal Greenlandituulli sulisuminnut ilinniartitseqqinnermik ingerlataqartarput. Tunngaviusoq taannaannaasarpoq, sulisut ilinniarluarsimalluartut pigilernerisigut tunisassiat pitsaanerusut pigilerneqartarput aamma suliffik pitsaanerusoq. Sulisut ilinniaqqinnissamut piareeraangamik ilinniarusussuseqaqqilerlutillu, soorlu Royal Green- landimi atorfeqarnerminni siuariartorusullutik, tamanna suliffeqarfimmut iluaqutaaginnaassaaq. Sulisut paasigaangamikkut suliffeqarfiup sinnera qanoq aaqqissuussaasimanersoq, tamanna tamatigoortumik eqqarsartarnermik pigisaqarnermik takutitsisuusarpoq. Naatsumik oqaatigalugu, sulisut taakku tassa ineriartorusuttut. Tamanna suliffeqarfissuarnut tamanut atuuppoq, ineriartorusukkaanni taava sulisut ineriartortariaqarput. Suliffeqarfik ineriartortitsiffiujuartoq tassaasarpoq suliffeqarfik tunisassianik ineriartortitsinermi siuarsimasuusarpoq taamatullu sulillaqqissusermik, tamannalu sullerissuseq naggataani suliffeqarfiup kajuminnartuuneranik inerneqartarpoq. Taamaattoqaraangat sulisut suliffimminniiginnarusussuseqartarput. Taamatumalu kingunerisarpaa suliffeqarfimmi tassa piginnaanerup pissarsiaasup pigiinnarneqarsinnaanissaa. Sulisunik soqutiginninneq suliffeqarfiit tamarmik soqutigisaraat. Sulisut pikkorissartuarneranni periarfissat allisorujussuusarput. Eqqarsaatigiinnariaruk Royal Greenlandi nammineerluni imminut siunissami siuttussanik pigisaqalersinnaasoq tunisassiornermi allaffeqarfimmilu. Paasisimaligaq suliffeqarfimmi pissarsiat taamaalilluni suliffeqarfigisami uninngatiinnarneqarsinnaavoq atorlugu piginnaanerlu suliffeqarfimmiittoq taamaalillugu iluaqutigalugu, imaluunniit Nunani allaniittuni immikkoortortaqarfinniittut. Royal Greenlandimi sulisutut, Nunatsinni angalasarnerpassuarnut atatillugu suleqaterpassuit fabrikkini sulisut naapittarsimavakka. Naapittarpakka suleqatit piareersimanerminnik takutitsisut, allallu takusarpakka Royal Greenlandimiinnerminni ilinniaqqissimasut taamaalillutillu suliffinnik qaffasinnerusunik tigummisaqalersimasut. Malittarisassaq Assimi takuneqarsinnaapput Qasigiannguani Discobugtimiittumi sulisut nuannaartut. Saamerlermiit tassa Juliane Tobiassen, kiisalu talerperlermi arnaq nuannaaqisoq Hansigne Sandgreen. qulaaniittoq takullugu atuuttuusoq/inerneqartartoq nuannaarnartorujussuuvoq. Maluginiaqqissaartariaqarparpulli suleqatit ilaat taamatut ilinniaqqinnissaminnut suli piareersimanngimmata. Tamatumunnga pissutaasoq arlaqarsinnaaqaat. Taamaattumillu Nunatsinni HR-afdelingikkut suliuartukkut suliariuarparput suleqatit suliffimminni ajunnginnerpaamik atugaqarnissaat. HR-afdeling sulilluartorsuuvoq inernerilu nuannaarutigisariaqarpavut. Sulisut piginnaanerisa qaffassarnissaat suliarerusukkaluarlugu, sulilu annertusarusukkaluarlugu, nassuerutigisariaqarparput ukiut aningaasarsiornikkut saluttut atoratsigit. Tamannali pigaluartoq Royal Greenland piginnaaneqarnerulernissamik suliniarnini ingerlaannartittariaqarpaa. Suleqat ineriartortoq suliniuteqartuartorlu Royal Greenlandimut iluanaarutaalerumaarpoq. Sulisoq tamatigut suliffimmut tunniusimasoq. Royal Greenlandip anersaavanik anersaaqartoq. Assimi takuneqarsinnaavoq aalisartup aamma Royal Greenlandip oqaloqatigiinnerat. Assimi takuneqarsinnaavoq pisortaq Pâviâraq heilmann (saamerleq), Tom ostermann (qiterleq) aalisartorlu Kristen Sakæussen Ilulissaneersoq nuannersumik oqaloqatigiileruttortut. TO Royal Greenlandimi aalisartunut sullissisussatut atorfinitsinneqarpoq (aasaq 2010), taassumallu avannaani aalisartut tungaannut ulluinnarni attaveqarneq ingerlattussaavaa – aalisartoq Royal Greenlandimut apeqqutissaqaruni tassunga saaffiginnissaaq, tassalu Tom Ostermannimut. TO Ilulissani najuaqarpoq Royal Greenlandimilu allaffeqarluni. Taamatut attaveqartarneq taamaallaat Royal Greenlandimiit isumassarsiarineqanngilaq, isumali pinngorpoq Ilulissaniittarnerni amerlasuuni aamma ataatsimeeqateqartarnerni. Sakæusip oqaatigaa oqaloqatigiittarneq imaattoq assut pissarsiffigisarlugu, siunersarlu isigalugu oqaloqatigiittarnerit imaattut ingerlaannarnissaat assut kissaatigaa, „manna pissarsiffigeqaara, akit kisiisa oqaluuserinngilagut, aalisarnerli siunissamilu periarfissai oqaluuseraavut“, naapilluni oqaloqatigiinneq pillugu oqarpoq. 4 NAVIGATIO NR. 29 2010
Download PDF file
Build your own flipbook